National

సంచనలం సృస్టించిన నన్‌ రేప్‌ కేసు కీలక మలుపు....

Submitted by arun on Sat, 09/22/2018 - 12:44

కేరళలో అత్యంత సంచనలం సృస్టించిన నన్‌ రేప్‌ కేసు కీలక మలుపు తీసుకుంది. అత్యాచారం చేశాడంటూ ఆరోపణలు ఎదుర్కొంటున్న బిషప్‌ ఫ్రాంకో ములక్కల్‌ అరెస్ట్‌ అయ్యారు. 3 రోజుల పాటు విచారించిన తర్వాత ఫ్రాంకోను అరెస్ట్‌ చేస్తున్నట్లు సిట్‌ అధికారికంగా ప్రకటించింది. అంతకుముందే పోలీసులు బాధితురాలి వాంగ్మూలాన్ని రికార్డ్‌ చేశారు. 

రైల్వేలో గ్రూప్ 'సి' పోస్టుల భర్తీకి నోటిఫికేషన్.. మొత్తం 65వేల పోస్టులు..

Submitted by nanireddy on Sat, 09/22/2018 - 09:48

రైల్వే రిక్రూట్ మెంట్ బోర్డ్ (RRB) గ్రూప్ 'సి' పోస్టుల భర్తీకి నోటిఫికేషన్ విడుదల చేసింది. అసిస్టెంట్ లోకో పైలట్ (ఏఎల్పీ)ఉద్యోగాలతో పాటు ఇతర టెక్నికల్ పోస్టుల భర్తీకి నోటిఫికేషన్ విడుదల చేసింది. మొత్తం పోస్టులు 64,371. ఏఎల్పీ : 27,795,టెక్నీషియన్ పోస్టులు : 36,576 . కాగా దరఖాస్తులు ఆన్‌లైన్లో స్వీకరిస్తామని అక్టోబర్ 1కి క్లోజ్ అవుతాయని ప్రకటనలో పేర్కొన్నారు. ప్రశ్నా పత్రాలు మొత్తం 15 భాషల్లో ఉంటాయని.. గ్రూప్ 'సి' పోస్టులకు ఎంపికైన ఉద్యోగులకు రూ.19,900 కనీస వేతనంతో పాటు ఇతర అలవెన్సులు ఉంటాయని ప్రకటనలో పేర్కొంది.

యువతిపై కళాశాల ఎండీ రాసలీలలు

Submitted by arun on Fri, 09/21/2018 - 14:10

ఓ క‌ళాశాల ఎండీ రాస‌లీల‌ల భాగోతం ఆల‌స్యంగా వెలుగులోకి  ఘటన కోయంబ‌త్తూర్‌లో వెలుగు చూసింది.  త్రిబుల్ ఎస్ సైన్స్ అండ్ ఇంజినీరింగ్ క‌ళాశాల మేనేజింగ్ డైరెక్టర్ సుబ్రహ్మణ్యం మ‌హిళ‌ల‌ప‌ట్ల అస‌భ్యక‌రంగా ప్రవ‌ర్తించడంపై తీవ్ర విమర్శలకు దారితీసింది. కోవై ఎంఎన్‌ఎస్‌ కళాశాల కళాశాల ఎండీ సుబ్రమణ్యన్‌ (64) అదే కళాశాలలో ఉద్యోగం చేస్తున్న ఓ యువతిపై లైంగికంగా వేధిస్తున్నట్టు తెలిసింది. ఎండీకి తెలియకుండా సదరు యువతే ఎండీ చాంబర్‌లో కెమెరాలను అమర్చి ఆధారాలతో సహా పోలీసులకు పట్టించింది.

ఉగ్రవాదుల దుశ్చర్య...కిడ్నాపైన ఎస్‌పీఓల దారుణ హత్య

Submitted by arun on Fri, 09/21/2018 - 13:24

జమ్ము కాశ్మీర్‌లోలో ఉగ్రవాదులు మరోసారి దొంగదెబ్బ తీశారు. దక్షిణ కశ్మీర్‌లోని షోపియాన్ జిల్లా నుంచి గురువారం రాత్రి కిడ్నాప్ చేసి తీసికెళ్లిన ముగ్గురు స్పెషల్ పోలీస్ అధికారులను అత్యంత పాశవికంగా హత్య చేశారు. షోపియాన్‌లో ఈ ముగ్గురి మృతదేహాలను పోలీసులు స్వాధీనం చేసుకున్నారు. హిజ్బుల్ ముజాహిద్దీన్ ఉగ్రవాదులు ఈ ఘాతుకానికి పాల్పడింది. జమ్మూకశ్మీర్‌లో పంచాయతీ ఎన్నికలను అడ్డుకోవడం, ప్రజలను భయభ్రాంతులకు గురి చేయడం ఉగ్రవాదుల లక్ష్యంగా అనుమానిస్తున్నారు. 
 

కాంగ్రెస్ కు భారీ షాక్.. ఇరకాటంలో పడ్డ రాహుల్

Submitted by nanireddy on Fri, 09/21/2018 - 08:42

2019 ఎన్నికల్లో మహా కూటమితో ప్రధాని మోడీని ఢీకొట్టాలని ఆరాటపడుతున్న కాంగ్రెస్‌ పార్టీకి భారీ షాక్‌ తగిలింది. కూటమిలో కీలక భాగస్వామిగా ఉన్న బీఎస్పీ హ్యాండిచ్చింది. త్వరలో  ఛత్తీస్‌గఢ్‌ ఎన్నికలో కాంగ్రెస్‌ తిరుగుబాటు నేత అజిత్‌జోగితో కలిసి ఎన్నికల్లో పోటీ చేయాలని బీఎస్పీ చీఫ్ మాయావతి నిర్ణయించారు. 90 స్థానాలున్న ఛత్తీస్‌గఢ్‌లో అజిత్‌ జోగి సారథ్యంలోని ఛత్తీస్‌గఢ్‌ జనతా కాంగ్రెస్‌ 55 స్థానాల్లో, బీఎస్పీ 35 స్థానాల్లో పోటీ చేసేలా పొత్తు కుదిరింది. దీంతో బీజేపీ సర్కార్‌పై ప్రజా వ్యతిరేకతను సొమ్ము చేసుకోవాలన్న కాంగ్రెస్‌ ఆశలపై మాయావతి నీళ్లు చల్లినట్లైంది.

ఇప్పుడున్న ATM కార్డులిక మూడు నెలలే.. ఆ తరువాత ఏం చేయాలంటే..

Submitted by nanireddy on Thu, 09/20/2018 - 19:55

ప్రస్తుతం ఉన్న ఎటిఎం కార్డులు ఇక మూడు నెలలు మాత్రమే పని చేసే అవకాశాలున్నాయి. ఈ సంవత్సరం డిసెంబర్ 31 లోపు ఎటిఎం వినియోగదారులు కొత్త ఏటీఎంలకు అప్లై చేసుకోవాలని రిజర్వ్ బ్యాంక్ ఇండియా(RBI) తెలుపుతోంది. అంతేకాదు ఇక మీదట EMV ( యూరో పే, మాస్టర్ కార్డ్, వీసా ) చిప్ బేస్డ్ కార్డులే వాడాలని రిజర్వ్ బ్యాంక్ ఆఫ్ ఇండియా స్పష్టం చేసింది. కాగా ఇప్పటికే RBI ఆదేశాల మేరకు స్టేట్ బ్యాంక్ ఆఫ్‌ ఇండియా(SBI) తన కస్టమర్ల కార్డులు మార్చుకోవాలని సందేశాలు పంపుతోంది. ఈ కొత్త EMV కార్డుల మీద ఎడమవైపు యాక్సెస్ చిప్ ఉంటుంది.

కుక్క VS పాము...తల్లి శునకంపైకి పామును ఊసిగొల్పిన స్థానికులు

Submitted by arun on Thu, 09/20/2018 - 13:11

ఒడిషాలోని భద్రక్‌లో విషాదం చోటు చేసుకుంది. కుక్క పిల్లలను భారీ నాగుపాము కాటేసింది. పాముకాటుకు కుక్క పిల్లలు మృతి చెందాయి. తల్లి శునకాన్ని కూడా పాము కాటేసేందుకు ప్రయత్నం చేస్తుండగా స్థానికులు కాపాడారు. 
భద్రక్ లో కొద్ది రోజుల క్రితం ఓ శునకం పిల్లలను కనింది. రాత్రి వేళ కుక్క పిల్లల వద్దకు భారీ నాగు పాము వచ్చింది. పాము దాడి నుంచి పిల్లలను తల్లి శునకం అడ్డుకుంది. కాసేపటికి పాము మళ్లీ బుసలు కొట్టింది. కుక్క ఎదురుతిరగడంతో పాము వెనుదిరిగే ప్రయత్నం చేసింది. అయితే, ఈ దృశ్యాలను సెల్ ఫోన్ లో బంధిస్తున్నస్థానికులు పామును మళ్లీ శునకంపైకి ఊసిగొల్పారు. 

Tags

‘తలాక్‌’ను నిషేధిస్తూ ఆర్డినెన్స్‌

Submitted by nanireddy on Thu, 09/20/2018 - 07:39

ముస్లిం మహిళలకు వారి భర్తలు తక్షణమే విడాకులు ఇచ్చే ట్రిపుల్‌ తలాక్‌ పద్ధతిని నేరంగా పరిగణించే ఆర్డినెన్స్‌కు కేంద్ర కేబినెట్‌ ఆమోదం తెలిపింది. ఈమేరకు ఆర్డినెన్స్‌కు బుధవారం కేంద్ర మంత్రిమండలి ఆమోదించిందని కేంద్ర న్యాయ శాఖ మంత్రి రవిశంకర్‌ ప్రసాద్‌ తెలియజేశారు.  ట్రిపుల్‌ తలాక్‌ చెప్పడం శిక్షార్హం అవుతుంది. ట్రిపుల్ తలాక్ కు పాల్పడే వారికీ మూడేళ్ల వరకు జైలు శిక్షను ప్రతిపాదిస్తూ కేంద్ర కేబినెట్ నిబంధనలు చేర్చింది. ఈట్రిపుల్‌ తలాక్‌ను సుప్రీంకోర్టు కొట్టేసిన తరువాత కూడా ఆ కేసులు నమోదవుతున్నాయని మంత్రి రవిశంకర్‌ వెల్లడించారు.

ట్రిపుల్‌ తలాక్‌ బిల్లుకు కేంద్రం గ్రీన్‌ సిగ్నల్‌

Submitted by arun on Wed, 09/19/2018 - 16:36

ట్రిపుల్ తలాక్ చెబితే ఇకపై నేరంగా పరిగణిస్తారు. ట్రిపుల్ తలాక్ శిక్షార్హమైన నేరమని స్పష్టం చేస్తూ కేంద్ర ప్రభుత్వం ఆర్డినెన్స్‌ జారీ చేసింది. మూడుసార్లు తలాక్ చెప్పిన వ్యక్తికి మూడేళ్ళ జైలుతో పాటు భార్యకు భరణం ఇచ్చేలా అత్యవసర చట్టాన్ని తెచ్చారు. ఇటీవల జరిగిన పార్లమెంట్‌ సమావేశాల్లో ట్రిపుల్ తలాక్ బిల్లు చట్టంగా మారకపోవడంతో కేంద్ర ప్రభుత్వం ఆర్డినెన్స్‌ తీసుకొచ్చింది.

మోదీ కోసం సాహసం...13 వేల అడుగుల ఎత్తు నుంచి...

Submitted by arun on Tue, 09/18/2018 - 15:13

ప్రధాని నరేంద్రమోడీకి మహారాష్ట్రకు చెందిన ఓ మహిళా స్కై డైవర్ వినూత్నంగా జన్మదిన శుభాకాంక్షలు తెలిపారు. శీతల్ మహాజన్ ఏకంగా 13 వేల అడుగుల పై నుంచి కిందికి దూకూతూ మోడీకి విషెస్ చెప్పారు. తనకు ఇష్టమైన స్కై డైవింగ్‌ చేస్తూ ప్రధానికి జన్మదిన శుభాకాంక్షలు చెప్పాలనుకుంది పారాజంపర్‌ శీతల్‌ మహజన్‌. వెంటనే ఆకాశంలో 13 వేల అడుగుల ఎత్తు వరకు విమానంలో చేరుకుంది. ‘ప్రధాని మోదీకి శుభాకాంక్షలు’ అని రాసి ఉన్న పేపర్‌ను చేతిలో పట్టుకుని అక్కడి నుంచి దూకేసింది. అమెరికాలోని చికాగోలో ఈ సాహసం చేసింది శీతల్‌.