nara lokesh

ఏపీలో ముందస్తు ఎన్నికలపై మంత్రి లోకేష్ స్పందన

Submitted by arun on Thu, 09/13/2018 - 12:57

ఆంధ్ర ప్రదేశ్ లో ముందస్తు ఎన్నికలు జరుగుతాయనేది ప్రచారం మాత్రమేనని మంత్రి లోకేశ్ అన్నారు. రాష్ట్ర విభజన తరువాత ఏర్పడ్డ మొదటి ప్రభుత్వం పూర్తి కాలం అధికారంలో ఉండాలనేది ప్రజల సెంటిమెంట్ అని లోకేష్ వ్యాఖ్యానించారు. అయినా ముందస్తు ఎన్నికల మూడ్‌లో ఏపీ ప్రజలు లేరన్నారు. అసలు ఎన్నికలు ఎప్పుడు వచ్చినా మళ్లీ అధికారం చేపట్టేది తెలుగుదేశం పార్టీదేనని లోకేష్ ధీమా వ్యక్తం చేశారు. రాష్ట్రాన్ని అభివృద్ధి చేసుకునే విషయంలో ప్రతి నిమిషం నిమగ్నమయ్యామన్నారు. తెలంగాణలో ప్రభుత్వం పూర్తికాలం అధికారంలో ఉండాలని ప్రజల కోరిక అని అయితే ఐదేళ్ల పాటు తెలంగాణలో ప్రభుత్వం నడవకపోవడం విచారకరమని మంత్రి లోకేష్‌ పేర్కొన్నారు.

బీజేపీ, కేసీఆర్‌ లపై లోకేష్ ఫైర్..

Submitted by arun on Sat, 09/08/2018 - 13:10

ఆంధ్రప్రదేశ్ పంచాయితీరాజ్ శాఖామంత్రి నారా లోకేష్ బాబు బీజేపీ, టీఆర్ఎస్ అధినేత కేసీఆర్‌  పై విమర్శలు చేశారు. శుక్రవారం జరిగిన ఆంధ్రప్రదేశ్ అసెంబ్లీ సమావేశం లో లోకేష్ మాట్లాడుతూ కేంద్ర ప్రభుత్వం ఏది చెబితే కెసిఆర్ అది చేస్తున్నాడని విమర్శించాడు. కేంద్రం ఆదేశాల అనుగుణంగానే కెసిఆర్ తన ప్రభుత్వాన్ని నడిపిస్తున్నారని వ్యాఖ్యానించారు. 

కేసీఆర్‌పై మంత్రి నారాలోకేష్‌ సెటైర్లు

Submitted by arun on Fri, 09/07/2018 - 11:56

కేసీఆర్‌పై మంత్రి నారా లోకేష్ సెటైర్లు వేశారు. అమరావతిలో మీడియాతో చిట్‌చాట్ నిర్వహించిన ఆయన తెలుగు వాళ్లంతా కలుసుండాలని  ఓ వైపు చెబుతూనే మరో వైపు జాగో  బాగో అంటున్నారన్నారు. టీఆర్ఎస్‌లో టీడీపీ వాళ్లు ఎంత మంది ఉన్నారో అందరికి తెలుసంటూ వ్యాఖ్యానించిన లోకేష్‌ ఆంధ్రుల ఓట్లతో గెలిచిన ఎమ్మెల్యేలను కేసీఆర్‌ తన పక్కలో కూర్చోబెట్టుకున్నారన్నారు. ఆంధ్రా వాళ్ల ఓట్లతోనే టీఆర్ఎస్‌‌కు జీహెచ్‌ఎంసీ పీఠం దక్కిందన్నారు.  తెలంగాణ అసెంబ్లీ రద్దు ఆమోదం పొందిన సమయంలో నారాలోకేష్ కామెంట్స్ ఆసక్తి కరంగా మారాయి.  

2వేల నోటు రద్దు చేయాలి: లోకేశ్‌

Submitted by arun on Tue, 08/21/2018 - 09:06

రూ.2 వేల నోట్లను రద్దు చేయాలని ఏపీ మంత్రి నారా లోకేశ్ డిమాండ్ చేశారు. దేశంలో రూ.500కు మించి పెద్ద నోటు ఉండకూడదన్నది తమ విధానమని, రూ.2 వేల నోటు వల్ల దేశంలో అవినీతి మరింత పెరిగే అవకాశం ఉందని నారా లోకేశ్ ఈ సందర్భంగా ఆందోళన వ్యక్తం చేశారు.  సచివాలయంలో ఐసీఐసీఐ బ్యాంకు శాఖను సోమవారం ఆయన ప్రారంభించారు. ఈ సందర్భంగా మాట్లాడుతూ... పెద్దనోట్ల రద్దు కోసం 2012 నుంచి సీఎం చంద్రబాబు పోరాటం చేస్తున్నారని చెప్పారు. గతంలో తాను నగదు బదిలీ పథకం అంటే అందరూ నవ్వారని, ఇప్పుడు అదే దేశానికి మార్గదర్శకం కాబోతుందన్నారు.

‘లోకేశ్‌ అడిగితే నా సీటిచ్చేస్తా’

Submitted by arun on Sat, 07/14/2018 - 10:34

రానున్న ఎన్నికల్లో మంత్రి నారా లోకేష్ ఎమ్మెల్యేగా పోటీ చేస్తారనే ప్రచారం జరుగుతున్న సంగతి తెలిసిందే. ఈ నేపథ్యంలో మరో మంత్రి ప్రత్తిపాటి పుల్లారావు మాట్లాడుతూ..మంత్రి నారా లోకేశ్‌ అడగాలేగానీ తాను ప్రాతినిధ్యం వహిస్తున్న గుంటూరు జిల్లాలోని చిలకలూరిపేట సీటు ఇచ్చేస్తానని పౌరసరఫరాల శాఖ మంత్రి ప్రత్తిపాటి పుల్లారావు అన్నారు. లోకేష్ అడిగితే తాను ప్రాతినిధ్యం వహిస్తున్న చిలకలూరిపేట సీటును ఇచ్చేస్తానని చెప్పారు. లోకేష్ ఎక్కడి నుంచి పోటీ చేసినా సీటు ఇవ్వడానికి 175 నియోజకవర్గాల్లోని టీడీపీ అభ్యర్థులంతా సిద్ధంగా ఉన్నారని తెలిపారు. లోకేష్ కు సీటు ఇవ్వడం అదృష్టంగా భావిస్తున్నామని చెప్పారు.

2019 ఎన్నికల బరిలో లోకేష్.. ఎక్కడ నుంచి పోటీ చేయబోతున్నారంటే...

Submitted by arun on Thu, 06/28/2018 - 16:10

ఏపీ సీఎం చంద్రబాబు తనయుడు నారా లోకేష్ ప్రత్యక్ష ఎన్నికల్లో పోటీకి సై అంటూ రాజకీయాల్లో కొత్త చర్చకు తెరలేపారు. 2019 ఎన్నికల్లో బరిలోకి  దిగుతానంటూ ప్రకటించడంతో ఎక్కడి నుంచి పోటీ చేస్తారనేది ఆసక్తిగా మారింది. గెలుపుకంటే బంపర్ మెజార్టే లక్ష్యంగా నియోజకవర్గాన్ని ఎంపిక చేసుకున్నట్లు జోరుగా ప్రచారం జరుగుతోంది. తాత, తండ్రి, మామ నియోజకవర్గాల్లో ఎక్కడో ఒక చోటు నుంచి పోటీ చేస్తారంటూ ఊహాగానాలు వినిపిస్తున్నాయి. ఏపీ రాజకీయాల్లో సెంటర్ ఆఫ్ అట్రాక్షన్‌గా ఉంటూ తనదైన శైలిలో దూసుకుపోతున్న సీఎం తనయుడు నారా లోకేష్‌ 2019 ఎన్నికలపై దృష్టి సారించారు.

లోకేష్‌ మామూలు పప్పు కాదు: రోజా

Submitted by arun on Thu, 06/28/2018 - 15:57

హైదరాబాద్‌లోని వైఎస్సార్‌సీపీ ప్రధాన కార్యాలయంలో ఎమ్మెల్యే రోజా మీడియాతో మాట్లాడారు. ప్రజాసంకల్పయాత్ర చేపట్టిన వైఎస్సార్‌సీపీ అధ్యక్షుడు, వైఎస్‌ జగన్‌మోహన్‌రెడ్డికి వస్తున్న ప్రజాధరణను చూసి టీడీపీకి కంటి మీద కునుకు లేకుండా పోయిందని ఎమ్మెల్యే ఆర్కే రోజా అన్నారు. ఏపీ మంత్రి నారా లోకేష్‌ నిజంగానే పప్పు అని మరోసారి రుజువైందన్నారు. కంపెనీలు తెచ్చామని లోకేష్‌ గొప్పలు చెబుతున్నారనీ, కేంద్ర ప్రభుత్వ పరిధిలోకి వచ్చే వాటిని కూడా తమ ఖాతాలో వేసుకున్న లోకేష్‌ను పప్పు అని కాకుండా ఇంకేమని పిలవాలంటూ ఆమె మండిపడ్డారు.

ముందస్తు ఎన్నికలకు వెళ్లం: నారా లోకేశ్

Submitted by arun on Tue, 06/26/2018 - 17:48

ప్రత్యక్ష ఎన్నికల్లో పోటీకి తాను సిద్ధమన్నారు మంత్రి నారా లోకేశ్. మీడియాతో చిట్‌చాట్ చేసిన లోకేశ్... ముందస్తు ఎన్నికలను రాష్ట్ర ప్రజలు కోరుకోవడం లేదని, టీడీపీ ఐదేళ్ల పాలననే కోరుకుంటున్నారని చెప్పారు. మోడీ హామీలు అమలు చేయకపోవడంపై టీడీపీ చిత్తశుద్ధితో పోరాడుతుందని చెప్పారు లోకేశ్. వచ్చే ఎన్నికల్లో రాష్ట్రంలో ఎక్కడి నుంచైనా పోటీ చేస్తానని తెలిపారు. ముఖ్యమంత్రి ఎక్కడి నుంచి పోటీ చేయమంటే అక్కడ పోటీ చేస్తానని వెల్లడించారు. సోషల్ మీడియాలో తప్పుడు ప్రచారం చేస్తే లోపల వేస్తామని హెచ్చరించారు. సైబర్ చట్టం ప్రకారం వ్యవహరిస్తామన్నారు.

జగన్మోహన్‌ రెడ్డి పేరు మారింది: నారా లోకేశ్‌

Submitted by arun on Thu, 06/21/2018 - 16:31

వైఎస్సార్ కాంగ్రెస్‌ పార్టీ అధినేత జగన్మోహన్‌ రెడ్డిపై టీడీపీ మంత్రి నారా లోకేశ్‌ విమర్శలు గుప్పించారు. చిత్తూరు జిల్లా శాంతిపురం మండలం తుమ్మిశిలో పర్యటిస్తోన్న లోకేశ్ అక్కడ పలు అభివృద్ధి కార్యక్రమాలను ప్రారంభించారు. ఈ సందర్భంగా ఆయన మాట్లాడుతూ... నాలుగేళ్లు ఏపీకి కేంద్ర సర్కారు ద్రోహం చేసిందని, ప్రధాన మంత్రి నరేంద్ర మోడీ గురించి జగన్‌, పవన్‌ ఒక్క మాట కూడా మాట్లాడట్లేదని అన్నారు. మోడీపై విమర్శలు చేస్తే జైలుకు వెళ్లాల్సి వస్తుందని జగన్‌కు భ‌యంప‌ట్టుకుంద‌ని నారా లోకేశ్ విమర్శించారు. జగన్మోహన్‌ రెడ్డి పేరు మారిందని, ఇప్పుడు ఆయన పేరు జగన్‌ మోడీ రెడ్డి అని ఎద్దేవా చేశారు.

లోకేశ్‌ ట్విట్టర్‌ నాయుడులా వ్యవహరిస్తున్నారు

Submitted by arun on Mon, 06/18/2018 - 17:05

ఏపీ ఐటీ శాఖ మంత్రి నారా లోకేశ్‌పై వైసీపీ ఎమ్మెల్యే శ్రీనివాసులు విరుచుకుపడ్డారు. అవగాహన లేకుండా నియోజకవర్గాల అభివృద్ది గురించి మాట్లాడుతున్నారని మండిపడ్డారు. స్పెషల్ డెవలప్‌మెంట్‌ ఫండ్‌ ఇవ్వాలని 36 మంది ప్రతిపక్ష ఎమ్మెల్యేలు సీఎంను కలిసినా ఫలితం లేకుండా పోయిందన్నారు. నియోజకవర్గాలకు నిధులిచ్చామంటూ ట్విట్టర్‌లో చెప్పిన లోకేశ్‌ను...ట్విట్టర్‌ నాయుడుగా లోకేశ్‌ వ్యవహరిస్తున్నారని శ్రీనివాసులు ఎద్దేవా చేశారు. ఆయన సోమవారం మీడియాతో మాట్లాడుతూ.. నియోజక వర్గ నిధులపై మంత్రి లోకేశ్‌ చేసిన విమర్శలు అర్థరహితమన్నారు.