Telangana

కోమటిరెడ్డి రాజగోపాల్ రెడ్డికి షాక్‌

Submitted by arun on Fri, 09/21/2018 - 16:23

టీ కాంగ్రెస్‌లో పీసీసీ కమిటీలు రేపిన చిచ్చు మరో మలుపు తిరిగింది. కుంతియాతో పాటు ఇతర నేతలపై కోమటిరెడ్డి రాజగోపాల్ రెడ్డి చేసిన వ్యాఖ్యలపై క్రమశిక్షణ కమిటీ తీవ్రంగా స్పందించింది. నల్గొండ జిల్లాలో జరిగిన ఓ సభలో కాంగ్రెస్ కమిటీలపై కోమటిరెడ్డి రాజగోపాల్‌రెడ్డి సంచలన వ్యాఖ్యలు చేశారు. కాంగ్రెస్ వేసిన కమిటీలన్నీ బ్రోకర్లతో నిండిపోయాయని తీవ్ర ఆరోపణలు చేశారు. వార్డు మెంబర్స్‌గా కూడా గెలవలేనోళ్లను కమిటీలో వేశారంటూ ఘాటుగా వ్యాఖ్యానించారు. కుంతియా రాష్ట్ర కాంగ్రెస్‌కు పట్టిన పెద్ద శని అంటూ ధ్వజమెత్తారు. కమిటీల ఏర్పాటుపై తాను ఫోన్‌లో కుంతియాను నిలదీశానన్నారు.

హరీష్ రావు సంచలన వ్యాఖ్యలు

Submitted by arun on Fri, 09/21/2018 - 16:12

తెలంగాణ మంత్రి హరీష్ రావు సంచలన వ్యాఖ్యలు చేశారు. ప్రజల ఆదరణ ఉన్నప్పుడే రాజకీయాల్లో నుంచి వైదొలగాలని అన్నారు. ఇబ్రహీంపూర్ సభలో పాల్గొన్న హరీష్‌  రావ్ అక్కడి ప్రజల అభిమానం చూస్తుంటే శాశ్వతంగా రాజకీయాల నుంచి తప్పుకోవాలని ఉందని వ్యాఖ్యానించారు. ఇక రాజకీయాలు చాలనిపిస్తోందన్నారు హరీష్. ఇబ్రహీంపూర్‌ గ్రామ ప్రజలు వచ్చే ఎన్నికల్లో టీఆర్ఎస్ నేత హరీశ్‌రావుకే ఓటు వేస్తామంటూ ఏకగ్రీవ తీర్మానం చేశారు. ఈ సందర్భంగా ఆయన మాట్లాడుతూ ఇబ్రహీంపూర్ గ్రామం చరిత్ర పుటల్లో మరోసారి నిలిచిందని కొనియాడారు. ప్రజల ప్రేమతో ఇక రాజకీయాల నుంచి విరమించుకుంటే బాగుండునని అనిపిస్తోందని ఆయన అన్నారు.

Tags

ఐఏఎస్ ఆమ్రపాలికి కేంద్ర ఎన్నికల కమిషన్ కీలక పదవి..

Submitted by arun on Fri, 09/21/2018 - 15:57

ఐఏఎస్ ఆమ్రపాలికి కేంద్ర ఎన్నికల కమిషన్ కీలక బాధ్యతలు అప్పజెప్పింది. తెలంగాణ రాష్ట్ర ఎన్నికల సంయుక్త ప్రధానాధికారిగా ఆమ్రపాలి నియామకానికి కేంద్ర ఎన్నికల సంఘం ఆమోదం తెలిపింది. ఈ మేరకు సీఈసీ ఉత్తర్వులు జారీ చేసింది. ఎన్నికల నిర్వహణ ప్రక్రియలో ఐటీ సంబంధిత అంశాలను ఆమ్రపాలి పర్యవేక్షించనున్నారు. ప్రస్తుతం ఆమ్రపాలి జీహెచ్ఎంసి అదనపు కమిషనర్ గా ఉన్నారు. 2010 ఐఏఎస్ బ్యాచ్ కు చెందిన ఆమ్రపాలి.. గతంలో వరంగల్ అర్బన్ జిల్లా కలెక్టర్ గా పనిచేశారు.
 

పార్టీకి నష్టం జరిగేలా ఎవరు మాట్లాడినా చర్యలు: కుంతియా

Submitted by arun on Fri, 09/21/2018 - 15:07

కోమటిరెడ్డి రాజగోపాల్‌రెడ్డి, వీహెచ్ వ్యాఖ్యలు తన దృష్టికి వచ్చినట్టు చెప్పారు రాష్ట్ర కాంగ్రెస్ వ్యవహారాల ఇంఛార్జ్ కుంతియా. పార్టీకి నష్టం జరిగేలా ఎవరు మాట్లాడినా క్రమశిక్షణా కమిటీ చర్యలు తీసుకుంటుందని తెలిపారు. నల్గొండ జిల్లాలో జరిగిన ఓ సభలో కాంగ్రెస్ కమిటీలపై కోమటిరెడ్డి రాజగోపాల్‌రెడ్డి సంచలన వ్యాఖ్యలు చేశారు. కాంగ్రెస్ వేసిన కమిటీలన్నీ బ్రోకర్లతో నిండిపోయాయని తీవ్ర ఆరోపణలు చేశారు. వార్డు మెంబర్స్‌గా కూడా గెలవలేనోళ్లను కమిటీలో వేశారంటూ ఘాటుగా వ్యాఖ్యానించారు. కుంతియా రాష్ట్ర కాంగ్రెస్‌కు పట్టిన పెద్ద శని అంటూ ధ్వజమెత్తారు. కమిటీల ఏర్పాటుపై తాను ఫోన్‌లో కుంతియాను నిలదీశానన్నారు.

ఐకియా స్టోర్‌ : నిన్న వెజ్‌ బిర్యానీ.. నేడు కేక్‌

Submitted by arun on Fri, 09/21/2018 - 14:42

వెజ్‌ బిర్యానీలో గొంగళి పురుగు రేపిన కలకలం సద్దుమణగకముందే ఐకియాలో మరో పురుగు బయటకొచ్చింది. ఈ సారి చాక్లెట్‌ కేక్‌లో, అది కూడా బతికున్న పురుగు. కిషోర్‌ అనే కస్టమర్‌ ఈ విషయాన్ని తన ట్విటర్‌ ద్వారా తెలియజేశాడు. వివరాల్లోకి వెళ్తే, కిషోర్ అనే కస్టమర్ ఈ నెల 12న ఐకియా రెస్టారెంట్ కు వెళ్లాడు. తన కూతురు కోసం ఓ చాక్లెట్ కేక్ ఆర్డర్ చేశాడు. కేక్ తీసుకొచ్చాక చూస్తే... కేకుపై ఓ పురుగు పాకుతోంది. దీంతో, ఆ పురుగును, ఆర్డర్ కాపీని, బిల్లును వీడియో తీసి మున్సిపల్ అధికారులకు, హైదరాబాద్ పోలీసులకు ట్యాగ్ చేశాడు.

దాడికి ముందు కొబ్బరి బోండాల కత్తిని చోరీ చేసిన మనోహరాచారి

Submitted by arun on Fri, 09/21/2018 - 12:51

హైదరాబాద్‌లో కన్న కూతుర్ని కత్తితో తెగ నరికిన మనోహరాచారి...ఆ ఆయుధాన్ని ఓ కొబ్బరి బోండాల షాపు దగ్గర చోరీ చేశాడు. ఎర్రగడ్డలో కూతురు మాధవి, అల్లుడు సందీప్ పై దాడి చేయడానికి ముందు మనోహరాచారి ఆదే ప్రాంతంలో ఓ కొ్బ్బరి బోండాల షాపుకి బైక్‌పై వెళ్ళి కత్తిని దొంగిలించాడు. ఈ దశ్యాలు సీసీటీపీ కెమెరాల్లో రికార్డయ్యాయి. తర్వాత అదే కత్తిని బ్యాగ్‌లో పెట్టుకుని వెళ్ళి మాధవి, సందీప్‌పై విచక్షణా రహితంగా దాడి చేశాడు.

రాములమ్మ ది స్టార్‌ క్యాంపెనర్‌...కేసీఆర్‌కు దీటుగా...

Submitted by arun on Fri, 09/21/2018 - 11:34

ఫైర్‌ బ్రాండ్‌ రాములమ్మ, తెలంగాణ ఎన్నికల తెరపై ధూంధాం చేసేందుకు సిద్దమయ్యారు. మొన్నటి వరకు అలకపాన్పుపై ఉన్న విజయశాంతికి, స్టార్‌ క్యాంపెనర్‌గా బాధ్యతలు అప్పగించడంతో, ఇక చెలరేగిపోవాలని డిసైడయ్యారు. ఊరూవాడా తిరుగుతూ, కేసీఆర్‌కు దీటుగా విమర్శల బాణాలు సంధించాలని సిద్దమయ్యారు. మరి మొన్నటి వరకు సైలెంట్‌గా ఉన్న రాములమ్మ, ఇక తెలంగాణ పోరులో కాంగ్రెస్‌కు తురుపు ముక్కగా మారారా?

కేసీఆర్ రాక కోసం నేతల ఎదురుచూపు

Submitted by arun on Fri, 09/21/2018 - 11:21

కేసీఆర్ రాక కోసం వేయి కళ్లతో ఎదురు చూస్తున్నారు అభ్యర్థులు. ఒక్కసారి కేసీఆర్ ప్రచారానికి వస్తే అసమ్మతి కొలిక్కి రావడంతోపాటు తమకు బీ. ఫాం పక్కా అని అభ్యర్థులు నమ్ముతున్నారు. దీంతో వీలైనంత త్వరగా కేసీఆర్‌ను తమ నియోజకవర్గానికి రప్పించాలని చూస్తున్నారు నేతలు. స్వయంగా గులాబీ బాస్‌ను కలిసి ప్రచారానికి రావాలని విజ్ఞప్తులు చేస్తున్నారు. 

ప్రేమ గెలిచింది....అందరి ప్రార్థనలు ఫలించాయి

Submitted by arun on Fri, 09/21/2018 - 11:07

ప్రేమ గెలిచింది. కులాంతర వివాహం చేసుకున్న ప్రేమికుల్ని బలి తీసుకుందామనుకున్న పెద్దల యత్నం విఫలమైంది. తండ్రి కర్కశ దాడిలో గాయపడిన చావు బతుకుల్లో కొట్టుమిట్టాడిన మాధవి ప్రాణగండం నుంచి బయటపడింది. మరోవైపు అఘాయిత్యానికి మాధవి తండ్రికి కోర్టు రిమాండ్ విధించింది.

Tags

సొంత పార్టీ నేతలపై రాజగోపాల్‌రెడ్డి సంచలన వ్యాఖ్యలు...జైలుకి వెళ్ళొచ్చిన నేతలకు ...

Submitted by arun on Fri, 09/21/2018 - 10:45

తెలంగాణ కాంగ్రెస్‌లో ఎన్నికల కమిటీలు పెట్టిన చిచ్చు రగులుతూనే ఉంది. కమిటీల కూర్పుపై నేతలు పరస్పర విమర్శలు గుప్పించుకుంటున్నారు. తాజాగా కాంగ్రెస్‌ ఎమ్మెల్సీ కోమటిరెడ్డి రాజగోపాల్‌రెడ్డి సొంత పార్టీ నేతలపై సంచలన వ్యాఖ్యలు చేశారు. హైదరాబాద్ పెద్ద అంబర్ పేట దగ్గర ఓ ఫంక్షన్ హాల్లో కార్యకర్తల సమావేశంలో రాజగోపాల్‌రెడ్డి ఆవేశంగా మాట్లాడారు. జైలుకు వెళ్లొచ్చిన వారికి పదవులు ఇచ్చారన్న రాజగోపాల్‌రెడ్డి వార్డు మెంబర్‌గా కూడా గెలిచే సత్తా లేనివారికి కమిటీల్లో ప్రాధాన్యమిచ్చారని మండి పడ్డారు. తెలంగాణకు కుంతియా శనిలా తయారయ్యాడని వ్యాఖ్యానించారు.