Andhrapradesh

జగన్‌‌పై జరిగిన దాడి కేసులో కీలక మలుపు

Submitted by arun on Tue, 11/13/2018 - 16:16

వైసీపీ అధినేత, ఏపీ ప్రతిపక్ష నేత వైఎస్‌ జగన్‌మోహన్‌రెడ్డిపై జరిగిన హత్యాయత్నం కేసు కొత్త మలుపు తిరిగింది. విశాఖ ఎయిర్‌పోర్ట్‌లో తనపై జరిగిన దాడిపై దర్యాప్తును స్వతంత్ర సంస్థకు అప్పగించేలా రాష్ట్ర ప్రభుత్వాన్ని ఆదేశించాలంటూ జగన్ దాఖలు చేసిన పిటిషన్‌‌ను విచారించిన హైకోర్టు కీలక ఆదేశాలిచ్చింది. డీజీపీ ఆర్పీ ఠాకూర్‌తోపాటు మొత్తం 8మంది ప్రతివాదులకు నోటీసులు జారీ చేసింది. రెండు వారాల్లో వివరణ ఇవ్వాలని ఆదేశించిన హైకోర్టు విచారణను రెండు వారాలపాటు వాయిదా వేసింది. 

వైఎస్సార్‌ సీపీలో చేరిన రామచంద్రయ్య

Submitted by chandram on Tue, 11/13/2018 - 14:07

ఏపీ కాంగ్రెస్ పార్టీ ముఖ్యనేత, మాజీ మంత్రి సి. రామచంద్రయ్య ఎట్టకేలకు వైసీపీ గూటికి చేరారు. టీడీపీ-కాంగ్రెస్ పొత్తును వ్యతిరేకిస్తూ నేడు వైసీపీ అధినేత జగన్ మోహన్ రెడ్డి ఆధ్వర్యంలో పార్టీకండువా కప్పి ఆహ్వానించారు. విజయనగరం జిల్లా పార్వతీపురం నియోజకవర్గంలో రామచంద్రయ్యతో పాటు ఆయన అనుచరులు కూడా వైసీపీ తీర్ధంపుచ్చుకున్నారు.

వైఎస్‌ జగన్‌పై హత్యయత్నం కేసులో కీలక అంశాలను ప్రస్తావించిన హైకోర్టు

Submitted by arun on Tue, 11/13/2018 - 13:51

ఏపీ ప్రతిపక్ష నేత వైఎస్ జగన్ మోహన్ రెడ్డిపై హత్యాయత్నం కేసులో హైకోర్టు కీలక అంశాలను ప్రస్తావించింది.  కేసు విచారణ ధర్డ్ పార్టీకి అప్పగించాలంటూ జగన్ దాఖలు చేసిన పిటిషన్‌పై ఈ రోజు హైకోర్టులో వాదనలు జరిగాయి. కేసు విచారణ ప్రారంభం కాగానే సిట్ అధికారులు కేసు విచారణ నివేదికను కోర్టుకు సమర్పించారు. ఈ సందర్భంగా దాడి జరిగిన రోజు విమనాశ్రయంలోని సీసీ పుటేజీ ఎక్కడుందంటూ హైకోర్టు ప్రశ్నించింది. అయితే గత మూడునెలలుగా సీసీ కెమెరాలు పని చేయడం లేదంటూ  ఎయిర్ ఫోర్ట్‌ సీసీ టీవీ కోర్ టీం కోర్టుకు తెలిపింది.

వైసీపీ కోడికత్తి పార్టీగా మారింది

Submitted by arun on Mon, 11/12/2018 - 17:32

వైసీపీ కోడికత్తి పార్టీగా మారిపోయిందని మంత్రి ప్రత్తిపాటి పుల్లారావు ఎద్దేవా చేశారు. కోడికత్తి దాడి నుంచి సానుభూతి పొందాలని వైసీపీ చూస్తోందని ఆరోపించారు. చిన్న గాయం కాబట్టే ట్రీట్మెంట్‌ చేయించుకోకుండా జగన్‌ హైదరాబాద్‌ వెళ్లిపోయారని ప్రత్తిపాటి పుల్లారావు తెలిపారు. ఎవరెన్ని కుట్రలు చేసినా... ప్రజలు మాత్రం చంద్రబాబు వెంటే ఉన్నారని అన్నారు.

బాలికను గర్భిణిని చేసిన సూపరింటెండెంట్‌..

Submitted by arun on Mon, 11/12/2018 - 17:15

తిరుపతిలోని ప్రభుత్వ బాలికల వసతి గృహం సూపరిండెంట్ నందగోపాల్‌ను పోలీసులు అదుపులోకి తీసుకున్నారు. వసతి గృహంలోని బాలికపై అత్యాచారం చేసినట్టు నిర్దారణ కావడంతో అరెస్ట్ చేసి న్యాయమూర్తి ఎదుట హాజరుపర్చారు. కడప జిల్లాకు చెందిన బాలిక వసతి గృహంలో ఉంటూ చదువుకుంటూ ఉండగా నందగోపాల్ అత్యాచారం చేశాడు. బాలిక గర్భవతి కావడంతో ఈ విషయం వెలుగుచూసింది. బాలిక తల్లిదండ్రుల ఫిర్యాదుతో కేసు నమోదు చేసిన పోలీసులు  వైద్య పరీక్షల అనంతరం 58 ఏళ్ల నందగోపాల్‌ను నిందితుడిగా చేర్చారు. పోస్కో చట్టం కింద కేసు నమోదు చేసిన పోలీసులు పలు సెక్షన్ల కింద కేసులు నమోదు చేశారు.  
 

బోరు విద్య గురించి మీకు తెలుసా? ఇదిగో చూడండి

Submitted by arun on Mon, 11/12/2018 - 12:06

మీ ప్రాంతాల్లో బోర్లు వేసి..వేసి నీరు పడక విసిగి వేజారి పోయారా వేల అడుగుల లోతుల్లో డ్రిల్ చేసినా చెమ్మనీరు పడటం లేదా. అయితే యూ డోన్ట్ వర్రీ మీకు అండగా మేమున్నామంటున్నారు అక్కడివారు. తమచేతిలో భూ తంత్రమాయ ఉందంటూ తమ మాయాజాలంతో భూమిలో ఉండే జలపాతాన్ని ఇట్టే కనిపెట్టాస్తామంటున్నారు. పెట్టిన పాయింట్స్ లలో కొన్ని సక్సెస్ కావడంతో అక్కడి రైతులు ఆ ఆచారాన్నే పాటిస్తుండగా విషయం పక్క గ్రామాలకు పాకిపోవడంతో ఇప్పుడు ఆ విద్యకు యమా డిమాండ్  ఏర్పడింది.

పాదయాత్ర శిభిరానికి వైయస్ జగన్

Submitted by nanireddy on Sun, 11/11/2018 - 19:07

గత నెల 25న విశాఖ ఎయిర్‌పోర్ట్‌లో వైసీపీ అధినేత వైయస్ జగన్ పై హత్యాయత్నం జరిగిన సంగతి తెలిసిందే. 16 రోజుల విరామం అనంతరం జగన్ తన పాదయాత్రను సోమవారం నుంచి కొనసాగించనున్నారు. ఇందుకోసం హైదరాబాద్ లోని తన నివాసం నుంచి బయలుదేరి విశాఖ ఎయిర్పోర్టుకు చేరుకుని.. అక్కడినుంచి రోడ్డుమార్గాన పాదయాత్ర శిబిరానికి వచ్చారు. ఈ నేపథ్యంలో ఆయనకు   పార్టీ కార్యకర్తలు ఘనస్వాగతం పలికారు. సోమవారం నుంచి సాలూరు నియోజకవర్గంలో  జగన్ పాదయాత్ర పునఃప్రారంభం కానుంది. ఇదిలావుంటే ఆయన ఆరోగ్యం బాగుండాలని అభిమానులు రాష్ట్రవ్యాప్తంగా ప్రత్యేక పూజలు నిర్వహించారు. 

రేపే ప్రజాసంకల్ప యాత్ర పునఃప్రారంభం

Submitted by chandram on Sun, 11/11/2018 - 16:56

ప్రతిపక్ష నేత, వైసీపీ అధ్యక్షుడు వైఎస్‌ జగన్మోహన్‌రెడ్డి 17రోజుల విరామం అనంతరం రేపట్నుంచి ప్రజాసంకల్ప యాత్రను పునఃప్రారంభించబోతున్నారు. అక్టోబర్ 25న విశాఖ ఎయిర్‌పోర్ట్‌లో జగన్‌పై జరిగిన హత్యాయత్నంతో పాదయాత్రకు బ్రేక్‌ ఇచ్చారు. దాదాపు 17రోజుల చికిత్స, విరామం తర్వాత మళ్లీ రేపట్నుంచి జనంతో మమేకమవడానికి సిద్ధమవుతున్నారు. గాయం నుంచి కోలుకున్న జగన్‌ పాదయాత్ర కోసం బయల్దేరి వెళ్లారు. శంషాబాద్‌ ఎయిర్‌పోర్ట్‌ నుంచి విశాఖ బయల్దేరిన జగన్‌ ఈ రాత్రికే విశాఖ నుంచి విజయనగరం జిల్లా చేరుకోనున్న జగన్‌. రేపు ఉదయం మక్కువ నుంచి పాదయాత్రను తిరిగి కొనసాగించనున్నారు.

అగ్నికి ఆహుతైన కుటుంబం...

Submitted by chandram on Sun, 11/11/2018 - 16:29

వారికదే చివరిరాత్రి అయ్యింది. పడుకున్నవారు పడుకున్నట్లే సజీవదహనం అయ్యారు. తెల్లవారే సరికి బూడిదగా మిగిలారు. చిత్తూరు జిల్లా ఏర్పేడు మండలం రాజులకండ్రిగలో భార్య భర్తతో పాటు ఇద్దరు పిల్లలు అగ్నికి ఆహుతయ్యారు. అయితే వీరిది హత్యా, లేక ఆత్మహత్యా అనే దానిపై అనుమానాలు వ్యక్తమవుతున్నాయి. షార్ట్‌ సర్క్యూటే కారణమని పోలీసులు చెబుతుంటే కుటుంబ కలహాలు, ఆర్థిక ఇబ్బందులే వీరి మరణానికి కారణంగా స్థానికులు చెబుతున్నారు. 
 

గవర్నర్‌ నరసింహన్‌తో జీవీఎల్ భేటీ

Submitted by chandram on Sun, 11/11/2018 - 12:35

ఏపీ ప్రభుత్వంపై బీజేపీ రాజ్యసభ సభ్యుడు జీవీఎల్ నరసింహరావు గవర్నర్‌కు ఫిర్యాదు చేశారు. సీఎం చంద్రబాబు నాయుడు తన  రాజకీయ ప్రయోజనాల కోసం ప్రజా ధనాన్ని దుర్వినియోగం చేస్తున్నారంటూ ఆరోపించారు. దీనిపై చర్యలు తీసుకోవాలంటూ వినతి పత్రం సమర్పించారు. నిత్యం బీద అరుపులు అరిచే చంద్రబాబు తన రాజకీయ ప్రయోజనాల కోసం కోట్లాది రూపాయలు ఖర్చు చేస్తున్నారంటూ విమర్శించారు. చంద్రబాబు సొంత డబ్బుతో ఎన్ని పర్యటనలు చేసినా తమకు అభ్యంతరం లేదన్న ఆయన పరిస్ధితులు ఇలాగే కొనసాగితే త్వరలోనే కోర్టును ఆశ్రయిస్తామంటూ ప్రకటించారు.