drunk and drive case

ఐపీఎస్ అధికారి కూతురు ‘అరాచకం’

Submitted by arun on Tue, 04/03/2018 - 12:20

తమిళనాడు అదనపు డీజీపీ తమిళ్‌సెల్వన్‌ కూతురు సోమవారం అర్ధరాత్రి చెన్నైలో హల్‌చల్‌ చేసింది. మద్యం తాగి వాహనం నడుపుతూ పట్టుబడిన ఆమె.. తన వాహనాన్ని ఆపిన కానిస్టేబుల్‌పై వీరంగం వేసింది. ‘నన్నే అడ్డుకుంటావా? నేనొక ఐపీఎస్‌ అధికారి కూతుర్ని. నిన్ను ఉద్యోగంలోంచి తీసేస్తాను’ అని విధుల్లో ఉన్న కానిస్టేబుల్‌ను హెచ్చరించింది. అంతేకాకుండా వెంటనే తండ్రికి ఫోన్‌ చేసి.. తనను ఆపిన కానిస్టేబుల్‌ను విధుల నుంచి తొలగించాలని చెప్పింది. ఈ ఘటనకు సంబంధించిన పూర్తి వీడియోను ఆ కానిస్టేబుల్‌ చిత్రీకరించారు.

ఊహించని షాక్‌ : నాంపల్లి కోర్టు సంచలన తీర్పు

Submitted by arun on Fri, 01/19/2018 - 15:44

డ్రంక్‌ అండ్‌ డ్రైవ్‌లో పట్టుబడ్డ యాంకర్ ప్రదీప్ కు నాంపల్లి కోర్టు షాక్ ఇచ్చింది. ప్రదీప్ ‌...డ్రైవింగ్ లైసెన్స్ ను మూడేళ్ల పాటు రద్దు చేసింది. అంతేకాక ప్రదీప్‌కు రెండు వేల ఒక వంద రూపాయల జరిమానా విధించింది. డ్రంక్‌ అండ్‌ డ్రైవ్‌ కేసు విచారణ నిమిత్తం  ప్రదీప్‌ నాంపల్లి కోర్టుకు హాజరయ్యాడు. ఈ కేసును విచారించిన కోర్టు...  ప్రదీప్ డ్రెవింగ్ లైసెన్స్ రద్దుతో పాటు జరిమానా విధిస్తూ తీర్పు వెలువరించింది. 

నాంపల్లి కోర్టుకు హాజరైన యాంకర్‌ ప్రదీప్‌

Submitted by arun on Fri, 01/19/2018 - 11:53

న్యూఇయర్‌ రోజు డ్రంకన్‌ డ్రైవ్‌లో పట్టుబడ్డ యాంకర్‌ ప్రదీప్‌ నాంపల్లి కోర్టు హాజరయ్యాడు. ఇప్పటికే ట్రాఫిక్‌ పోలీసులకు కౌన్సిలింగ్‌కు హాజరైన ప్రదీప్‌ ఇవాళ కోర్టు ముందు అటెండ్‌ అయ్యాడు. బ్రీత్‌ అనలైజర్‌ టెస్ట్‌లో ప్రదీప్‌కి అత్యధికంగా 178 పాయింట్లు రావడంతో మరి కోర్టు జరిమానాతో సరిపెడుతుందా? లేక జైలుశిక్ష విధిస్తుందో కాసేపట్లో తెలియనుంది.

ప్రదీప్‌కు రేపటితో డెడ్‌లైన్‌..కౌన్సిలింగ్‌కు రాకుంటే అరెస్టే

Submitted by arun on Fri, 01/05/2018 - 14:48

యాంకర్‌ ప్రదీప్‌పై చర్యలకు పోలీసులు సిద్ధమవుతున్నారు. డ్రంకెన్‌ డ్రైవ్‌ కేసులో కౌన్సిలింగ్‌కు హాజరుకాకపోతే అరెస్ట్ వారెంట్‌ జారీ చేస్తామంటున్నారు. ప్రదీప్‌ కౌన్సిలింగ్‌‌కు రేపటితో గడువు ముగియనుంది. ఈలోగా కౌన్సిలింగ్‌‌కు హాజరుకాకపోతే కోర్టులో చార్జీషీట్‌ వేస్తామంటున్న పోలీసులు ఆ తర్వాత అరెస్ట్‌ వారెంట్‌ జారీ చేసేందుకు సిద్ధమవుతున్నారు. అరెస్ట్‌ తర్వాత తల్లిదండ్రుల సమక్షంలో ప్రదీప్‌కు కౌన్సిలింగ్‌ ఇవ్వనున్నారు.

నాలా ఇంకెవరూ తప్పు చేయొద్దు: ప్రదీప్

Submitted by arun on Fri, 01/05/2018 - 11:08

యాంకర్ ప్రదీప్ టచ్‌లోకి వచ్చాడు. డిసెంబర్ 31 అర్ధరాత్రి.. డ్రంకెన్ డ్రైవ్‌లో పట్టుబడినప్పటి నుంచి అజ్ఞాతంలోకి వెళ్లిపోయిన ప్రదీప్.. మొత్తానికి అజ్ఞాతం వీడాడు. తాను ఎందుకు కౌన్సిలింగ్‌కు హాజరుకాలేకపోయానన్న దానిపై ఓ వీడియో ద్వారా క్లారిటీ ఇచ్చాడు. డ్రంక్ అండ్ డ్రైవ్‌లో పట్టుబడిన దగ్గర్నుంచి.. అధికారుల నుంచి వచ్చిన సూచనల ప్రకారమే నడుచుకుంటున్నానని వీడియోలో చెప్పాడు ప్రదీప్. చట్టానికి లోబడే ఉంటాను కానీ అతిక్రమించబోనన్నాడు. పోలీసులిచ్చే కౌన్సిలింగ్‌తో పాటు దాని తర్వాత జరిగే వాటికి కూడా హాజరవుతానని చెప్పాడు ప్రదీప్.

యాంకర్‌ ప్రదీప్‌ ఎక్కడ ?

Submitted by arun on Wed, 01/03/2018 - 11:16

న్యూఇయర్‌ సందర్భంగా జూబ్లీహిల్స్  రోడ్డు నెంబరు 45లో పోలీసులు నిర్వహించిన తనిఖీల్లో పట్టుబడిన టీవీ యాంకర్ ప్రదీప్ పోలీస్ కౌన్సిలింగ్ కు హాజరు కాలేదు. శనివారం లోగా ఎప్పుడైనా కౌన్సిలింగ్ కు వచ్చే అవకాశం ఉందని పోలీసులు చెబుతున్నారు. అయితే, మోతాదుకు మించి మద్యం సేవించి వాహనం నడిపిన ప్రదీప్ కు బ్లడ్ ఆల్కహాల్ శాతం 178 ఉంది. సాధారణంగా బ్లడ్ ఆల్కహాల్ శాతం 35 దాటితేనే వాహనదారుడి వాహనాన్ని సీజ్ చేసి శిక్ష అమలు చేస్తారు. దీంతో విషయంలో ఏంచేస్తారన్న దానిపై సర్వత్రా ఆసక్తి నెలకొంది.