TRS

మళ్లీ టీఆర్ఎస్ అధికారంలోకి రావాలి: మోహన్‌బాబు

Submitted by chandram on Sun, 11/11/2018 - 15:46

తెలంగాణలో టీఆర్ఎస్ ప్రభుత్వమే మళ్లీ రావాలని సినీ నటుడు, ఫిల్మ్ నగర్ దైవసన్నిధానం ఆలయ కమిటీ అధ్యక్షుడు మోహన్ బాబు ఆశాభావం వ్యక్తం చేశారు. విశాఖ శారదా పీఠాధిపతి స్వరూపానందేంద్ర స్వామి జన్మదినోత్సవాన్ని పురస్కరించుకుని ఫిలింనగర్ దైవసన్నిధానంలో ఆలయ అర్చకులు, సిబ్బందికి ఆయన వస్త్రదానం చేశారు. ఈ కార్యక్రమానికి విచ్చేసిన ఆపద్ధర్మ మంత్రి తుమ్మల నాగేశ్వరరావును తమ్ముడూ అని సంబోధిస్తూ మోహన్‌బాబు ప్రేమగా ఆలింగనం చేసుకున్నారు. టీఆర్ఎస్ పార్టీ మళ్లీ అధికారంలోకి రావాలని కోరుకుంటున్నానని వ్యాఖ్యానించారు.
 

టీఆర్ఎస్ కార్యకర్తలతో సమావేశమయిన సీఎం కేసీఆర్‌

Submitted by chandram on Sun, 11/11/2018 - 14:42

భారీ మెజార్టీ లక్ష్యంగా సీఎం కేసీఆర్ వ్యూహరచన చేస్తున్నారు. ఇందులో భాగంగా గజ్వేల్‌కు చెందిన పార్టీ కార్యకర్తలతో ఎర్రవెల్లిలోని ఫాంహౌజ్‌లో కాసేపట్లో సమావేశం కానున్నారు. సుమారు 15 వేల మంది కార్యకర్తలు ఈ సమావేశానికి హాజరైనట్టు సమాచారం. భద్రతా కారణాలతో 12 గంటల వరకే కార్యకర్తలను లోపలికి అనుమతించారు. మహాకూటమి పొత్తులో భాగంగా కాంగ్రెస్‌, టీడీపీ కలిసి పోటీ చేస్తున్ననేపధ్యంలో భారీ మెజార్టీ లక్ష్యంగా తీసుకోవాల్సిన జాగ్రత్తలపై కార్యకర్తలకు కేసీఆర్ దిశానిర్దేశం చేయనున్నారు. ఇదే సమయంలో ఈ నెల 14న నామినేషన్ వేయనుండంతో జన సమీకరణ ఇతర అంశాలపై కార్యకర్తలతో చర్చిస్తున్నారు.  
 

Tags

నేడు టీఆర్‌ఎస్ అభ్యర్థులకు బి-ఫారాల పంపిణీ

Submitted by chandram on Sun, 11/11/2018 - 10:44

నేడు ఎన్నికల నోటిఫికేషన్ విడుదల కానుండటంతో తమ అభ్యర్థుల నామినేషన్ల కోసం బి-ఫారాలను అందించబోతోంది టీఆర్ఎస్. తెలంగాణ భవన్‌లో నేటి సాయంత్రం 4గంటలకు ఆపద్ధర్మ ముఖ్యమంత్రి కేసీఆర్ స్వయంగా బి-ఫారాలు అందించనున్నారు. 107 మంది అభ్యర్థులకు బి-ఫారాలను అందించి, మార్గనిర్దేశం చేయనున్నారు గులాబీ బాస్. మరోవైపు పార్టీ మేనిఫెస్టోను కూడా ఆయన ప్రకటించనున్నట్టు తెలుస్తోంది. 

వారిపట్ల ఇప్పుడెందుకు ఎనలేని ప్రేమ

Submitted by arun on Sat, 11/10/2018 - 14:46

కాంగ్రెస్ నాయకుల గల్ఫ్ యాత్రపై ఎంపీ కవిత మండిపడ్డారు. గల్ఫ్ కార్మికుల పట్ల కాంగ్రెస్ పార్టీ మొసలి కన్నీరు కారుస్తోందని ఇప్పటివరకూ గుర్తుకు రాని గల్ఫ్ కార్మికుల పట్ల ఇప్పుడెందుకు ఎనలేని ప్రేమ చూపిస్తున్నారని ఎంపీ కవిత ప్రశ్నించారు. గల్ఫ్ వలసలకు ప్రధాన కారణం కాంగ్రెస్ పార్టేనన్నారు. కాంగ్రెస్ హయాంలో చిల్లగవ్వ విడుదల చేయకుండా NRI సెల్ నడిపిన ఘనత కాంగ్రెస్ పార్టీకే చెందుతున్నాన్నరు. గడిచిన నాలుగేళ్లలో గల్ఫ్ బాధితుల సంక్షేమం కోసం 106 కోట్లు కేటాయించినట్లు వెల్లడించారు. గల్ఫ్‌లో ఈ నాలుగేళ్లలో 1278 మంది చనిపోతే అక్కడి ప్రభుత్వాలతో మాట్లాడి స్వస్థలాలకు తీసుకొచ్చామన్నారు.

ఈ నెల 11న టీఆర్‌ఎస్ అభ్యర్థులకు బీ ఫారాలు

Submitted by arun on Fri, 11/09/2018 - 11:57

టీఆర్ఎస్ అభ్యర్థులకు బీపారాలు అందచేసే ముహూర్తం ఖరారైంది. ఈ నెల 11న టీఆర్‌ఎస్ పార్టీ అభ్యర్థులకు ముఖ్యమంత్రి కేసీఆర్ బీఫారాలు అందజేస్తారు. ఆదివారం సాయంత్రం 4 గంటలకు తెలంగాణ భవన్‌లో టీఆర్‌ఎస్ అభ్యర్థులతో కేసీఆర్ సమావేశమవుతారు. ఇదే సమావేశంలో ఇప్పటి వరకు ప్రకటించిన అభ్యర్థులందరికి బీ ఫారాలు ఇస్తారు. అలాగే ఆదివారం గజ్వెల్ కార్యకర్తలతో సీఎం సమావేశం అవుతారు. ఎర్రవెల్లి వ్యవసాయక్షేత్రంలో మధ్యాహ్నం 12 గంటలకు జరిగే సమావేశానికి 15వేల మంది టీఆర్‌ఎస్ పార్టీ కార్యకర్తలు హాజరవుతారని పార్టీ వర్గాల సమాచారం. 

ప్రజలు నిలదీస్తుంటే ప్రచారం చేయలేకపోతున్నారు: పొన్నం

Submitted by arun on Wed, 11/07/2018 - 10:42

టీఆర్‌ఎస్ నేతలు కాంగ్రెస్ అభ్యర్థుల గురించి మాట్లాడటం కాదని, చేతనైతే మీ సంగతి చూసుకోండని విమర్శించారు మాజీ ఎంపీ పొన్నం ప్రభాకర్. 14 సీట్ల కోసం 60 రోజులుగా తేల్చుకోలేకపోయిన టీఆర్‌ఎస్.. కాంగ్రెస్ గురించి మాట్లాడుతుందని మండిపడ్డారు. మహాకూటమి గురించి మాట్లాడే కంటే నాలుగున్నరేళ్లలో జనాన్ని మోసం చేశారని, రాష్ట్రాన్ని అప్పుల పాలు చేశారని ఆగ్రహం వ్యక్తం చేశారు. ప్రజలు నిలదీస్తుంటే ప్రచారం చేయలేక పరువు తీసే విధంగా టీఆర్‌ఎస్ నేతలు వ్యవహరిస్తున్నారని ఆయన విమర్శించారు. 

హరీష్‌ను టార్గెట్‌ చేయడంలో వ్యూహం అదేనా!

Submitted by arun on Tue, 11/06/2018 - 09:47

మ‌హకూట‌మిని చీల్చాల‌న్న కేసీఆర్ వ్యూహాల‌ను త‌ల‌ద‌న్నేలా విపక్షాలు మైండ్‌గేమ్‌ వాడివేడి పెంచాయా గులాబీ ద‌ళాన్నే చీల్చాలని మ‌హ‌కూట‌మి టార్గెట్ చేస్తోందా ఇందుకు టీఆర్ఎస్ లో హర్డ్ వర్కర్.. ట్రబుల్ షూట‌ర్‌గా పేరొందిన హ‌రీష్‌ రావునే ఎంచుకున్నారా పార్టీ నుంచి బయ‌ట‌కొస్తున్నార‌ని ఒక‌రు కాంగ్రెస్‌లో చేరి సీఎం అవుతార‌ని మ‌రొక కీల‌క నేత చేస్తున్న బ‌హిరంగ ప్రచారం, మైండ్‌ గేమ్‌లో భాగమేనా చివరి వరకూ టీఆర్ఎస్‌లోననని, హరీష్‌ లెక్కలేనన్ని సార్లు చెప్పినా ప్రతిపక్షాలు అదే అస్త్రాన్ని ప్రయోగించడంలో ఉద్దేశమేంటి?

ఆ ముగ్గురిని ఓడించాలి..

Submitted by arun on Mon, 11/05/2018 - 11:53

తెలంగాణ ఎన్నికల కోసం ఏర్పాటైంది మహాకూటమి కాదని అది ఈస్ట్‌ ఇండియా కంపెనీ అని ఎంఐఎం అధినేత అసదుద్దీన్‌ ఒవైసీ అన్నారు. సంగారెడ్డిలో జరిగిన బహిరంగ సభలో ప్రసంగించిన ఆయన మోడీ, రాహుల్‌, చంద్రబాబు కలిసే పనిచేస్తున్నారని వారిని ఓడించాలని పిలుపునిచ్చారు. టీఆర్ఎస్‌ సర్కారు ముస్లీంలకు ఎన్నో సంక్షేమ పథకాలు ప్రవేశపెట్టిందని తెలంగాణలో మత సామరస్యం ఉందన్నారు. గంగా జమునా తెహిజిమ్‌ సంస్కృతి మన ప్రాంతానికి సొంతమన్నారు. 

జనగామ జిల్లాలో టీఆర్ఎస్‌ కు భారీ షాక్‌ ...టీఆర్ఎస్‌కు గుడ్‌ బై చెప్పిన...

Submitted by arun on Mon, 11/05/2018 - 10:28

జనగామ జిల్లా స్టేషన్‌ ఘన్‌పూర్‌లో టీఆర్ఎస్‌కు భారీ షాక్‌ తగిలింది. ఆ పార్టీ అసమ్మతి నేత రాజారపు ప్రతాప్.. పార్టీని వీడుతున్నట్లు ప్రకటించారు. నియోజకవర్గంలోని తన అనుచరులు, కార్యకర్తలతో సమావేశం అయిన ఆయన.. తన నిర్ణయాన్ని వెల్లడించారు. టీఆర్ఎస్‌ ప్రభుత్వానికి గుడ్‌ బై చెబుతున్నట్లు ప్రకటించారు. అయితే ప్రతాప్‌.. బీఎస్పీ అభ్యర్థిగా బరిలోకి దిగాలని యోచిస్తున్నట్లు తెలుస్తోంది. బీఎస్పీలో చేరి.. ఆ పార్టీ అభ్యర్థిగా స్టేషన్‌ ఘన్‌పూర్‌లో పోటీ చేయనున్నట్లు చెబుతున్నారు. 

టీఆర్ఎస్ మాజీ ఎమ్మెల్యే రసమయి బాలకిషన్ కు చేదు అనుభవం

Submitted by arun on Sun, 11/04/2018 - 15:58

మానకొండూరు టిఆర్ఎస్ తాజా మాజీ ఎమ్మెల్యే రసమయి బాలకిషన్ ను ఎన్నికల ప్రచారంలో గ్రామస్థులు నిలదీశారు. ఇల్లంతకుంట మండలంలో  రసమయి బాలకిషన్ ప్రచారంలో భాగంగా నేరేడుపల్లి, కందీకట్కూర్ వంతడుపుల గ్రామాలలో ప్రచారం నిర్వహించారు దీనిలో భాగంగా వంతడుపుల గ్రామంలో దళితులు నువ్వు మాకు ఏం చేయలేదని రసమయి బాలకిషన్ ను నిలదీశారు అలాగే కందీకట్కూర్ గ్రామంలో ప్రజలు మాకు  ముంపు గ్రామం కింద పునరావాసం కల్పిస్తామని ఇంతవరకు కూడా పట్టించుకోలేదని నిలదీశారు అక్కడ ఉన్న టిఆర్ఎస్ కార్యకర్తలు ఒక్కసారిగా మహిళలపై మూకుమ్మడి దాడి చేశారు దీంతో ఒక్కసారి పరిస్థితి ఉధృతమైంది.