TRS

కాంగ్రెస్‌పై టీఆర్‌ఎస్ ఎంపీ కవిత ధ్వజం

Submitted by arun on Wed, 11/14/2018 - 17:16

అన్ని పార్టీలకు ఒకే అధిష్టానం ఉంటే, కాంగ్రెస్ కు రెండు హై కమాండ్ లు ఉన్నాయని టీఆర్ ఎస్ ఎంపీ కవిత చెప్పారు. కాంగ్రెస్ కు ఒక అధిష్టానం ఢిల్లీలో ఉంటే మరో అధిష్టానం అమరావతిలోఉందని ఆమె ఎద్దేవా చేశారు. జగిత్యాల జిల్లా కోరుట్లలో ఆమె మీడియాతో మాట్లాడారు. తెలంగాణలో టీఆర్ ఎస్ ధీటుగా మరో పార్టీ లేదని కవిత స్పష్టం చేశారు. తెలంగాణ‌లో రెండు సంవ‌త్సరాల్లో పూర్తిస్తాయి రుణ‌మాఫీ చేసిన ఘ‌న‌త టీఆర్‌ఎస్‌దేనని అన్నారు. టీఆర్‌ఎస్‌కు ఏ పార్టీ పోటీ కాదని, తెలంగాణ ముందస్తు ఎన్నికల్లో 80 శాతం సీట్లు టీఆర్‌ఎస్ గెలుచుకుంటుందని చెప్పారు.

గజ్వేల్‌లో నామినేషన్‌ వేసిన కేసీఆర్‌

Submitted by chandram on Wed, 11/14/2018 - 15:20

టీఆర్ఎస్‌ అధ్యక్షుడు తెలంగాణ మాజీ ముఖ్యమంత్రి కేసీఆర్‌ గజ్వెల్‌ అభ్యర్థిగా నామినేషన్‌ దాఖలు చేశారు. సరిగ్గా 2 గంటలా 34 నిముషాలకు గజ్వెల్‌‌ ఆర్డీవో కార్యాలయంలో నామినేషన్ పత్రాలను సమర్పించారు. అనుకున్న సమయానికే ఆర్డీవో కార్యాలయం చేరుకున్న ఆయన అట్టహాసాలకు దూరంగా నామినేషన్ వేశారు. కేసీఆర్‌ వెంట హరీశ్‌రావుతో పాటు మరో ఐదుగురు ముఖ్యులు మాత్రమే ఉన్నారు. కాన్వాయ్‌ను పక్కన పెట్టిన కేసీఆర్‌ కేవలం మూడు కార్లలోనే ఆర్డీవో కార్యాలయానికి చేరుకుని నామినేషన్‌ వేశారు. 
 

టీఆర్ఎస్ తాజా మాజీకి బీజేపీ టిక్కెట్..?

Submitted by arun on Wed, 11/14/2018 - 14:40

కరీంనగర్ జిల్లా చొప్పదండి లో టీఆర్ ఎస్ కు షాక్ తగిలింది. చొప్పదండి తాజా మాజీ ఎమ్మెల్యే బొడిగె శోభ బీజేపీలో చేరుతున్నట్లు సమాచారం. బిజెపి మూడో లిస్టులో బొడిగె శోభ పేరు వస్తుందని సమాచారం. టీఆర్‌ఎస్‌ అధినేత కేసీఆర్‌ ఇక తనకు టికెట్‌ ఇచ్చే అవకాశం లేదని నిర్ధారణకు వచ్చిన ఆమె సోమవారం కార్యకర్తలతో సమావేశమై భవిష్యత్తు కార్యాచరణపై చర్చించారని సమాచారం. ఈ సందర్భంగా కొందరు కార్యకర్తలు వ్యతిరేకించినా పలువురు బీజేపీలో చేరి పోటీ చేయాలని ఆమెను కోరారని తెలిసింది.
 

ఖైరతాబాద్ టికెట్టు కోసం టీఆర్ఎస్‌లో ఆగని నిరసనలు

Submitted by chandram on Tue, 11/13/2018 - 15:05

ఖైరతాబాద్ టికెట్టు కోసం టీఆర్ఎస్‌లో నిరసనలు కొనసాగుతూనే ఉన్నాయి. ఖైరతాబాద్ సీటు గురించి టీఆర్ఎస్ భవన్ దగ్గర ఆందోళన చేయడానికి బయల్దేరిన ఖైరతాబాద్ నియోజకవర్గ టీఆర్ఎస్ ఇంఛార్జ్ మన్నే గోవర్ధన్ రెడ్డితో పాటు ఆయన వర్గీయులను పోలీసులు అడ్డుకున్నారు. ఎమ్మెల్యే కాలనీ నుంచి బయలుదేరిన ఆందోళనకారులను పోలీసులు అడ్డుకోవడంతో తోపులాట జరగింది. ఈ తోపులాటలో మన్నె గోవర్ధన్ రెడ్డి కింద పడిపోగా ఆయనకు ఛాతి నొప్పి వచ్చింది.  వెంటనే మన్నె గోవర్ధన్ రెడ్డిని పక్కనే ఉన్న సిటీ న్యూరో హాస్పిటల్ లో చేర్పించారు.

త్వరలోనే టీజేఎస్ ఖాళీ అవుతుంది - హరీష్‌రావు

Submitted by chandram on Mon, 11/12/2018 - 16:38

టీజేఎస్ అధినేత కోదండరామ్ టార్గెట్‌గా మంత్రి హరీష్‌ రావు ప్రశ్నల వర్షం కురిపించారు. ఉద్యమాన్ని అవహేళన పార్టీలతో నాలుగు సీట్ల కోసం కోదండరామ్‌ జతకట్టారన్నారు. రాష్ట్రం కోసం పోరాడిన తమను మాత్రం శత్రువులుగా చూస్తున్నారంటూ ఆగ్రహం వ్యక్తం చేశారు. తెలంగాణ ఉద్యమ సమయంలో కాంగ్రెస్‌, టీడీపీలు కోదండరామ్‌ను ఎలా అవమానించారో గుర్తు చేసుకోవాలంటూ సూచించారు. కాంగ్రెస్, టీడీపీ నేతల నుంచి కోదండరామ్‌ను కంటికి రెప్పలా కాపాడుకున్న చరిత్ర టీఆర్ఎస్‌దేన్నారు. సంగారెడ్డి జిల్లా టీజేఎస్ నేతలకు పార్టీ కండువ కప్పి టీఆర్ఎస్‌లోకి ఆహ్వానించారు. కోదండరామ్ పార్టీ త్వరలోనే ఖాళీ అవుతుందంటూ జోస్యం చెప్పారు.

టీఆర్ఎస్ తొలి జాబితాలో గందరగోళం

Submitted by arun on Mon, 11/12/2018 - 13:34

టీఆర్ ఎస్ తొలి జాబితాలో గందరగోళం నెలకొంది. తొలి జాబితాలో నాంపల్లి టీఆర్ ఎస్ అభ్యర్థిగా మునుకుంట్ల ఆనంద్ గౌడ్ పేరు ప్రకటించారు. ఆయన రెండు నెలలుగా నాంపల్లిలో ప్రచారం చేసుకుంటున్నారు. అక్కడ ఎం.ఐ.ఎం కూడా పోటీ చేస్తుంది. ఎంఐఎంతో స్నేహ పూర్వక పోటీ దెబ్బతినకుండా ఉండేందుకు నాంపల్లిలో సిహెచ్. ఆనంద్ గౌడ్ కు టీఆర్ ఎస్ టికెట్ ఇవ్వనున్నారు.  

నాంపల్లి టీఆర్ఎస్‌ అభ్యర్థికి షాక్‌...మునుకుంట్ల ఆనంద్‌గౌడ్‌కు బీ ఫామ్‌ ఇవ్వని కేసీఆర్‌

Submitted by arun on Mon, 11/12/2018 - 10:49

నాంపల్లి టీఆర్ఎస్‌ అభ్యర్థి మునుకుంట్ల ఆనంద్‌గౌడ్‌కు.. కేసీఆర్‌ షాకిచ్చారు. తెలంగాణ భవన్‌లో 107 మంది అభ్యర్థులతో సమావేశం అయిన కేసీఆర్‌ అభ్యర్థులందరికీ తానే స్వయంగా బీ ఫామ్స్‌ అందించారు. అయితే నాంపల్లి అభ్యర్థి ఆనంద్‌గౌడ్‌కు మాత్రం.. బీ ఫామ్‌ను నిరాకరించారు. తొలివిడుత ప్రకటించిన 105 మంది అభ్యర్థుల్లో ఆనంద్‌గౌడ్‌ పేరు కూడా ఉంది. దీంతో ఆయన గత రెండు నెలలుగా.. నియోజకవర్గంలో ప్రచారం చేశారు. కానీ చివరకు.. ఆనంద్‌గౌడ్‌కు బీఫామ్‌ దక్కలేదు. 
 

భర్త విజయం కోసం భార్యా ప్రచారం

Submitted by chandram on Sun, 11/11/2018 - 16:24

వనపర్తి టీఆర్ఎస్‌ అభ్యర్థి సింగిరెడ్డి నిరంజన్‌రెడ్డి తరపున ఆయన సతీమణి సింగిరెడ్డి వాసంతిరెడ్డి నేడు నియోజకవర్గంలోని ఇంటింటి ప్రచారం నిర్వహించారు. శ్రీరంగపురంలోని ప్రజలను కలిసిన ఆమె టీఆర్ఎస్‌ ప్రభుత్వం అమలు చేసిన పలు సంక్షేమ పథకాలను వివరించారు. వనపర్తి అన్ని విధాలా అభివృద్ధి చెందాలంటే నిరంజన్‌రెడ్డిని గెలిపించాలని ఆమె పిలుపునిచ్చారు. ఈ సందర్భంగా వాసంతిరెడ్డి మాట్లడుతూ ప్రచారానికి వచ్చిన నాకు శ్రీరంగపురం గ్రామస్తులు బ్రహ్మరథం పడుతున్నారని రాబోయే ఎన్నికల్లో టీఆర్ఎస్ అధికారం చేపట్టడం ఖాయామని వాసంతిరెడ్డి ధీమావ్యక్తం చేశారు.

మళ్లీ టీఆర్ఎస్ అధికారంలోకి రావాలి: మోహన్‌బాబు

Submitted by chandram on Sun, 11/11/2018 - 15:46

తెలంగాణలో టీఆర్ఎస్ ప్రభుత్వమే మళ్లీ రావాలని సినీ నటుడు, ఫిల్మ్ నగర్ దైవసన్నిధానం ఆలయ కమిటీ అధ్యక్షుడు మోహన్ బాబు ఆశాభావం వ్యక్తం చేశారు. విశాఖ శారదా పీఠాధిపతి స్వరూపానందేంద్ర స్వామి జన్మదినోత్సవాన్ని పురస్కరించుకుని ఫిలింనగర్ దైవసన్నిధానంలో ఆలయ అర్చకులు, సిబ్బందికి ఆయన వస్త్రదానం చేశారు. ఈ కార్యక్రమానికి విచ్చేసిన ఆపద్ధర్మ మంత్రి తుమ్మల నాగేశ్వరరావును తమ్ముడూ అని సంబోధిస్తూ మోహన్‌బాబు ప్రేమగా ఆలింగనం చేసుకున్నారు. టీఆర్ఎస్ పార్టీ మళ్లీ అధికారంలోకి రావాలని కోరుకుంటున్నానని వ్యాఖ్యానించారు.
 

టీఆర్ఎస్ కార్యకర్తలతో సమావేశమయిన సీఎం కేసీఆర్‌

Submitted by chandram on Sun, 11/11/2018 - 14:42

భారీ మెజార్టీ లక్ష్యంగా సీఎం కేసీఆర్ వ్యూహరచన చేస్తున్నారు. ఇందులో భాగంగా గజ్వేల్‌కు చెందిన పార్టీ కార్యకర్తలతో ఎర్రవెల్లిలోని ఫాంహౌజ్‌లో కాసేపట్లో సమావేశం కానున్నారు. సుమారు 15 వేల మంది కార్యకర్తలు ఈ సమావేశానికి హాజరైనట్టు సమాచారం. భద్రతా కారణాలతో 12 గంటల వరకే కార్యకర్తలను లోపలికి అనుమతించారు. మహాకూటమి పొత్తులో భాగంగా కాంగ్రెస్‌, టీడీపీ కలిసి పోటీ చేస్తున్ననేపధ్యంలో భారీ మెజార్టీ లక్ష్యంగా తీసుకోవాల్సిన జాగ్రత్తలపై కార్యకర్తలకు కేసీఆర్ దిశానిర్దేశం చేయనున్నారు. ఇదే సమయంలో ఈ నెల 14న నామినేషన్ వేయనుండంతో జన సమీకరణ ఇతర అంశాలపై కార్యకర్తలతో చర్చిస్తున్నారు.  
 

Tags