Lok Sabha

చంద్రబాబు, కేసీఆర్‌పై కీలక వ్యాఖ్యలు చేసిన మోడీ

Submitted by arun on Sat, 07/21/2018 - 10:23

అవిశ్వాసంపై చర్చ సందర్భంగా రాష్ట్ర విభజన, టీఆర్‌ఎస్, టీడీపీ ప్రభుత్వాల తీరుపై మోడీ పలు ఆసక్తికర వ్యాఖ్యలు చేశారు. ముఖ్యంగా తెలంగాణ సీఎం కేసీఆర్‌‌పై మోడీ ప్రశంసల వర్షం కురిపించారు. విభజన సమస్యల విషయంలో కేసీఆర్ ప్రభుత్వం ఎంతో పరిణతితో వ్యవహరించిందన్నారు. చంద్రబాబు, కేసీఆర్ మధ్య అనేకసార్లు సయోధ్య కుదిర్చినట్లు సంచలన వ్యాఖ్యలు చేశారు.

గల్లా జయదేవ్ వ్యాఖ్యలను ఖండించిన జితేందర్ రెడ్డి

Submitted by arun on Fri, 07/20/2018 - 13:19

ఆంధ్రప్రదేశ్ ని అడ్డగోలుగా విభజించారంటూ లోక్ సభలో అవిశ్వాసంపై చర్చ సందర్భంగా టీడీపీ ఎంపీ గల్లా జయదేవ్ చేసిన వ్యాఖ్యలను టీఆర్ఎస్ ఖండించింది. ఆ పార్టీ ఎంపీ జితేందర్ రెడ్డి గల్లా జయదేవ్‌పై మండిపడ్డారు. రాజ్యాంగ విరుద్ధంగా, అశాస్త్రీయంగా రాష్ట్ర విభజన జరిగిందని చేసిన వ్యాఖ్యలను ఖండించారు. లోక్ సభ, రాజ్యసభలలో రాష్ట్ర విభజన బిల్లు ఆమోదం పొందిందని గుర్తుచేశారు. తెలంగాణ రాష్ట్రం కోసం ఎంతో మంది ఆత్మాబలిదానాలకు పాల్పడ్డారని ఈ నేపథ్యంలో రాష్ట్ర ఏర్పాటు కోసం కాంగ్రెస్ పార్టీని, బీజేపీని తాము ఒప్పించామని తదనంతరం పార్లమెంటు ఉభయసభల్లో బిల్లు పాస్ అయిందని చెప్పారు.

ఎంపీ గల్లా ప్రసంగంపై టీఆర్ఎస్ ఎంపీల అభ్యంతరం

Submitted by arun on Fri, 07/20/2018 - 11:38

అవిశ్వాస తీర్మానంపై లోక్‌సభలో చర్చ ప్రారంభమైంది. టీడీపీ ఎంపీ కేశినేని నాని సభలో తీర్మానాన్ని ప్రవేశపెట్టగా.. మరో ఎంపీ గల్లా జయదేవ్‌ చర్చను ప్రారంభించారు. ఎన్డీయే నుంచి బయటకు రాగానే టీడీపీపై కేంద్రం యుద్ధం ప్రకటించిందని ఈ సందర్భంగా గల్లా వ్యాఖ్యానించారు. అయితే గల్లా మాట్లాడుతున్న సమయంలోనే సభలో ఒక్కసారిగా గందరగోళం చెలరేగింది. అప్రజాస్వామికంగా ఏపీని విభజించారంటూ ఎంపీ గల్లా జయదేవ్ వ్యాఖ్యలపై టీఆర్ఎస్ ఎంపీలు అభ్యంతరం తెలిపారు. విభజన తర్వాత కొత్త రాష్ట్రం ఏపీనే అని అన్నారు. రాజధాని లేదు ఆదాయంలో లోటు ఉందని, ఏపీ అనిశ్చతిలో ఉందని గల్లా పేర్కొన్నారు.

అవిశ్వాస సమరానికి ముహూర్తం ఖరారు

Submitted by arun on Wed, 07/18/2018 - 16:12

లోక్ సభలో అవిశ్వాస సమరానికి ముహూర్తం ఖరారైంది. మోడీ సర్కారుపై టీడీపీ ప్రవే పెట్టిన అవిశ్వాస తీర్మానంపై ఎల్లుండి చర్చ జరగబోతోంది. ఏపీకి జరిగిన అన్యాయాన్ని నిరసిస్తూ కేంద్ర ప్రభుత్వంపై టీడీపీ ఎంపీ కేశినేని నాని పార్లమెంట్  సమావేశాల మొదటి రోజే  అవిశ్వాస తీర్మానం ప్రవేశపెట్టారు. ఈ  తీర్మానానికి కాంగ్రెస్  పార్టీ మద్దతు తెలిపింది. ఈ తీర్మానాన్ని స్పీకర్  సుమిత్రా మహాజన్ సభలో చదవి వినిపిస్తుండగా టీడీపీ నేతలు, కాంగ్రెస్  పార్టీ నేతలు రాహుల్  గాంధీ, సోనియా గాంధీ, మల్లిఖార్జున ఖర్గేలు లేచి నిలబడి మద్దతు తెలిపారు.

ఫలించిన టీడీపీ ప్రయత్నం.. అవిశ్వాస తీర్మానంపై చర్చకు ముహూర్తం ఖరారు

Submitted by arun on Wed, 07/18/2018 - 14:06

టీడీపీ ఇచ్చిన అవిశ్వాస తీర్మానంపై చర్చకు ముహూర్తం ఖరారైంది. ఈ నెల 20న చర్చించాలని బీఏసీ సమావేశంలో స్పీకర్ సుమిత్ర మహాజన్ నిర్ణయించారు. అదే రోజు ప్రశ్నోత్తరాలను రద్దు చేసి సాయంత్రం వరకూ చర్చ జరపనున్నారు. కేంద్రంపై అవిశ్వాస తీర్మానాన్ని కాంగ్రెస్, టీడీపీ ప్రవేశపెట్టాయి. అయితే, టీడీపీ ముందుగా తీర్మానాన్ని ప్రవేశపెట్టడంతో నిబంధనల ప్రకారం ఆ తీర్మానాన్ని స్వీకరించినట్టు స్పీకర్ ప్రకటించారు. 50 మందికి పైగా సభ్యులు టీడీపీ అవిశ్వాస తీర్మానానికి మద్దతు తెలిపడంతో చర్చకు కేంద్రం సై అంది. మరోవైపు ఏపీ విభజన చట్టంపై రాజ్యసభలో సోమవారం స్వల్పకాలిక చర్చ జరగనుంది. 

లోక్‌సభ : అవిశ్వాస తీర్మానంపై చర్చకు అనుమతించిన స్పీకర్‌ మహాజన్‌

Submitted by arun on Wed, 07/18/2018 - 12:31

కేంద్ర ప్రభుత్వంపై టీడీపీ ఎంపీలు ఇచ్చిన అవిశ్వాస తీర్మానం అందిందని లోక్ సభ స్పీకర్ సుమిత్రామహాజన్ తెలిపారు. టీడీపీ సహా పలు పార్టీలు ఇచ్చిన అవిశ్వాస తీర్మానాలు అందాయని చెప్పారు. అవిశ్వాసంపై చర్చకు సంబంధించిన తేదీ, సమయాన్ని 10 రోజుల్లో ప్రకటిస్తానని తెలిపారు. ఈ సందర్భంగా అవిశ్వాసానికి ఎంతమంది ఎంపీలు మద్దతు పలుకుతున్నారని స్పీకర్ ప్రశ్నించగా... టీడీపీ, కాంగ్రెస్ సహా పలు విపక్ష సభ్యులు లేచి నిలబడ్డారు. నిలబడ్డవారి సంఖ్య 50కి పైగా ఉండటంతో, అవిశ్వాసంపై చర్చ జరుపుతామని తెలిపారు. నియమనిబంధనలను అనుసరించి, చర్చను చేపడదామని చెప్పారు. 
 

బీజేపీకి కష్టకాలం మొదలైందా..ఉప ఎన్నికల్లో వరుస ఓటమికి కారణమేంటి..?

Submitted by arun on Fri, 06/01/2018 - 11:07

నాలుగేళ్ళ ఏడాది క్రితం వరకు తనకు ఎదురు లేదని భావించిన బీజేపీకి కష్టకాలం మొదలైందా..? ఉప ఎన్నికల్లో వరుసగా ఓడిపోవడానికి కారణమేంటి..? మోడీ మేనియా తగ్గిందా..? అమిత్‌ షా మ్యాజిక్ పని చేయడం లేదా..? విపక్షాల ఐక్యతే కమల నాథుల కొంప ముంచుతోందా..? మొత్తంగా 2019 ఎన్నికల్లో మోడీకి డేంజర్ బెల్స్ మోగినట్లేనా..?

ఉప ఎన్నికల ఫలితాల అప్‌డేట్స్‌ : బీజేపీకి ఎదురుదెబ్బ

Submitted by arun on Thu, 05/31/2018 - 12:05

ఉప ఎన్నికల ఫలితాల్లో  బీజేపీకి ఎదురుగాలి వీస్తోంది. 4 లోక్ సభ, 11 అసెంబ్లీ స్థానాలకు జరిగిన ఉప ఎన్నికల్లో కౌంటింగ్ తుది దశకు చేరుకుంది. ఇప్పటి వరకు అధికారికంగా ప్రకటించిన ఫలితాలను బట్టి కాంగ్రెస్ రెండు చోట్ల విజయం సాధించింది. కర్ణాటకలో రాజరాజేశ్వరి నగర్ తో పాటు మేఘాలయలో అంపటి స్థానంలో కాంగ్రెస్ విజయం సాధించింది. 3191 ఓట్ల మెజార్టీలో ప్రత్యర్ధిపై విజయం సాధించాడు. పంజాబ్ లో షాకోట్ లో కాంగ్రెస్ ముందంజలో ఉంది. అదే విధంగా జార్ఖండ్ లోని రెండు స్థానాల్లోను జెఎంఎం ముందంజలో ఉంది. 

పార్లమెంట్‌లో సేమ్‌ సీన్‌

Submitted by arun on Mon, 04/02/2018 - 15:13

పార్లమెంట్‌లో వాయిదా పర్వం కొనసాగుతోంది. విపక్షాల ఆందోళనతో ఉభయసభలు రేపటికి వాయిదా పడ్డాయి. ఉభయసభలు ప్రారంభమైన వెంటనే అన్నాడీఎంకే సభ్యులు నినాదాలతో హోరెత్తించారు. కావేరీ బోర్డు ఏర్పాటు చేయాలంటూ అన్నాడీఎంకే ఎంపీలు వెల్‌లోకి దూసుకొచ్చి నినాదాలు చేశారు. దీంతో స్పీకర్ సుమిత్రామహాజన్ మొదట లోక్‌సభను మధ్యాహ్నం 12 గంటలకు వాయిదా వేశారు.

అవిశ్వాసం; మళ్లీ అడ్డుపడ్డ అన్నాడీఎంకే.. వాయిదా

Submitted by arun on Tue, 03/27/2018 - 13:44

అవిశ్వాస తీర్మానం ఏడో రోజూ లోక్‌సభలో చర్చకు నోచుకోలేదు. ఆరు రోజులుగా జరుగుతున్న తతంగమే ఇవాళ కూడా సాగింది. తొలుత అన్నాడీఎంకే సభ్యుల ఆందోళనల కారణంగా సభ గంట పాటు వాయిదా పడింది. సభ మళ్ళీ సమావేశమైన తర్వాత కూడా సేమ్ సీన్ రిపీటైంది. కావేరి నదీజలాల బోర్డు ఏర్పాటు చేయాలంటూ అన్నాడిఎంకే ఎంపీలు ఆందోళనకు దిగడంతో సభలో తీవ్ర గందరగోళం ఏర్పడింది.