Petrol

తగ్గుముఖం పట్టిన పెట్రోల్, డీజిల్ ధరలు

Submitted by nanireddy on Sun, 10/21/2018 - 10:27

దేశవ్యాప్తంగా వరుసగా మూడో రోజు కూడా పెట్రోల్, డీజిల్ ధరలు తగ్గుముఖం పట్టాయి. ఉమ్మడి రాజధాని హైదరాబాద్‌లో ఈ రోజు డీజిల్ 13 పైసల మేర తగ్గగా , పెట్రోల్ 41 పైసలు తగ్గింది. దీంతో గడచిన మూడు రోజుల్లో పెట్రోల్ లీటర్‌పై 90 పైసల మేర తగ్గగా , డీజిల్ 36 పైసల వరకు తగ్గింది. ఢిల్లీలోనూ ఇదే తరహాలో లీటర్ పెట్రోల్‌పై 84 పైసలు, డీజిల్‌పై 33 పైసల మేర తగ్గింది.

మళ్ళీ పెరిగిన పెట్రో ధరలు..

Submitted by arun on Sat, 10/06/2018 - 10:01

దేశ వ్యాప్తంగా పెట్రోల్, డీజిల్ ధరలు మళ్లీ పెరిగాయి. లీటర్ పెట్రోల్‌పై 18 పైసలు, డీజిల్‌పై 29 పైసలు పెరిగాయి. దీంతో ఢిల్లీలో  లీటర్ పెట్రోల్ ధర 81.68 కి చేరింది. డీజిల్ ధర 73.79 కి చేరింది.  ముంబైలో లీటర్ పెట్రోల్ ధర 87.15, డీజిల్ ధర 76.75 ఉండగా.. హైదరాబాద్‌లో లీటర్ పెట్రోల్ ధర 86.58 . డీజిల్ ధర  79.55 పైసలకు చేరింది. కేంద్ర ప్రభుత్వం ఎక్సైజ్ సంకాన్ని తగ్గిస్తూ నిర్ణయం తీసుకున్నప్పటికీ చాలా రాష్ట్రాల్లో...తగ్గిన ధరలు అమలులోకి రాలేదు. డైనమిక్ ప్రైసింగ్ మెకానిజమ్ ప్రకారం పెట్రోల్, డీజిల్ ధరలు పెరిగాయి.
 

పెట్రోల్ ధరలు భారీగా తగ్గింపు.. కేంద్రం సంచలన నిర్ణయం...

Submitted by arun on Thu, 10/04/2018 - 16:02

పెట్రోలు, డీజిల్ ధరలు ఆకాశన్నంటుతున్న నేపథ్యంలో కేంద్ర ప్రభుత్వం ఎట్టకేలకు సామాన్యుడికి భారీ ఊరట కల్పించింది. ఆయిల్ పై వసూలు చేస్తున్న ఎక్సైజ్ డ్యూటీని రూపాయిన్నర వరకు తగ్గిస్తున్నట్టు కేంద్ర ఆర్ధిక మంత్రి అరుణ్ జైట్లీ ప్రకటించారు. ఆయిల్ మార్కెటింగ్ కంపెనీలు సైతం ఇంధన ధరలను రూపాయి తగ్గించనున్నట్టు తెలిపాయి. దీంతో మొత్తంగా పెట్రోల్, డీజిల్‌ ధరలపై సామాన్యుడికి రెండున్నర రూపాయిల వరకు ఉపశమనం కలగనుంది.  

ఆల్‌టైమ్‌ గరిష్టానికి చేరిన పెట్రోల్ ధర...సెంచరీ దిశగా దూసుకుపోతున్న...

Submitted by arun on Tue, 09/25/2018 - 10:31

రోజురోజుకు పెరుగుతున్న పెట్రోల్‌, డీజిల్‌ ధరలు.. త్వరలోనే సెంచరీ దాటనున్నాయి. గత కొంత కాలంగా సామాన్యుడి నడ్డివిరుస్తున్న పెట్రోల్‌ ధరలు ఆల్‌టైమ్‌ గరిష్టానికి చేరుకున్నాయి. దేశ ఆర్థిక రాజధాని ముంబైలో మొదటిసారిగా లీటర్‌ పెట్రోల్‌ ధర 90 రుపాయిల మార్క్‌ను దాటి రికార్డ్‌ సృష్టించింది. ముంబైలో ఐవోసీ ఔట్‌లెట్లలో లీటర్‌ పెట్రోల్‌ ధర 90రూపాయిల 8పైసలకు చేరింది. డాలర్‌తో రూపాయి మారకం విలువ పడిపోవటంతో పాటు అంతర్జాతీయంగా ముడి చమురు ధరలు పెరగటంతో ఆయిల్‌ మార్కెటింగ్‌ కంపెనీలు లీటర్‌ పెట్రోల్‌పై 11 పైసలు, డీజిల్‌పై 5 పైసలు పెంచాయి.

35 రూపాయలకే పెట్రోల్‌!

Submitted by arun on Mon, 09/17/2018 - 15:19

పెరుగుతున్న పెట్రోల్, డీజిల్ ధరలు ప్రధాని మోదీ కొంప ముంచుతాయని యోగా గురు రాందేవ్ బాబా సున్నితంగా హెచ్చరించారు. ప్రభుత్వం పన్నుల్లో ఉపశమనం కలిగిస్తే తాను లీటర్ పెట్రోల్, డీజిల్‌ను కేవలం రూ.35 నుంచి రూ.40కే దేశానికి అందిస్తానని చెప్పారు. ఎన్‌డీటీవీ యూత్ కాంక్లేవ్ సదస్సులో మాట్లాడిన బాబా రాందేవ్ సమకాలీన అంశాలపై ఆసక్తికరంగా స్పందించారు. పెరుగుతున్న ధరలపై మోదీ ఏదో ఒక చర్య తీసుకోవాలని, లేదంటే ఆయనకు కష్టాలు తప్పవని సూచించారు. పెట్రోలియం ఉత్పత్తులను కూడా జీఎస్టీ పరిధిలోకి తీసుకొచ్చి, 28 శాతం శ్లాబ్ కింద ఉంచాలని ఆయన సూచించారు. తాను ఏ పార్టీకి అనుకూలంగా లేనని, రాజకీయాలకు దూరంగా ఉన్నానని తెలిపారు.

వాహనదారులకు సీఎం చంద్రబాబు శుభవార్త

Submitted by arun on Mon, 09/10/2018 - 15:13

ఆంధ్ర ప్రదేశ్‌లో వాహనదారులకు సీఎం చంద్రబాబు శుభవార్త చెప్పారు. విపరీతంగా పెరుగుతున్న పెట్రోల్, డీజీల్‌పై పన్ను తగ్గించాలని ముఖ్యమంత్రి నిర్ణయం తీసుకున్నారు. డీజిల్, పెట్రోల్‌పై రాష్ట్ర ప్రభుత్వం విధిస్తున్న పన్నులో లీటరుకు 2 రూపాయలు తగ్గించాలని నిర్ణయం తీసుకున్నారు. దీంతో వినియోగదారులకు కొంత ఊరట లభించే అవకాశం ఉంది.  ప్రస్తుతం విజయవాడలో లీటర్‌ పెట్రోల్‌ ధర 87 రూపాయల వరకు ఉండగా..డీజిల్‌ ధర 80 రూపాయలు వరకు చేరింది. 

లీటర్ పెట్రోల్‌పై రూ.4 తగ్గింపు.. టూవీలర్లకు మాత్రమే

Submitted by arun on Thu, 06/14/2018 - 17:06

ఇటీవలి కాలంలో పెట్రో ధరలు వాహనదారులకు చుక్కలు చూపిస్తున్నాయి. దీనిని దృష్టిలో ఉంచుకుని మహారాష్ట్ర నవనిర్మాణ సేన (ఎంఎన్‌ఎస్‌) వినియోగదారులకు కాసింత ఊరట కల్పించాలని భావించింది. గురువారం ఎంఎన్‌ఎస్‌ అధ్యక్షుడు రాజ్‌ ఠాక్రే జన్మదినాన్ని పురస్కరించుకుని.. వాహనదారులకు 4 నుంచి 5 రూపాయల మేర తగ్గింపుపై పెట్రోలు అందించాలని ఆ పార్టీ శ్రేణులు నిర్ణయించాయి. అందులో భాగంగా  ఈ రోజు రాష్ట్రంలో ఎంపిక చేసిన పెట్రోలు బంక్‌ల్లో  ద్విచక్ర వాహనదారులకు ఈ సదుపాయం కల్పించింది. మరికొన్ని చోట్ల  9 రూపాయల వరకు కూడా తగ్గింపు ఇస్తున్నారు. దీంతో చాలా మంది వాహనదారులు ట్యాంక్‌ ఫుల్‌ చేయించుకుంటున్నారు.

ఆల్‌టైమ్ రికార్డు డీజిల్ ధర

Submitted by arun on Sat, 04/21/2018 - 12:43

దేశంలో ఇంధన ధరలు మండిపోతున్నాయి. రోజురోజుకీ పెరుగుతున్న పెట్రోలియం ధరలు హైదరాబాదీలకు మంట పుట్టిస్తున్నాయి. లీటర్ పెట్రోల్ ధర 80కి చేరుతుండటంపై నగరవాసులు నిప్పులు కురిపిస్తున్నారు. డీజిల్ ధర 55 నెలల్లోనే అత్యధిక స్థాయికి చేరింది. ఈ ధరలు మరింత పెరుగుతాయనే వార్తలతో వాహనదారులు ఆందోళన చెందుతున్నారు. దీంతో ఎక్సైజ్ పన్ను, వ్యాట్ తగ్గించాలన్న డిమాండ్ పెరుగుతోంది.

సంధ్య తన కొలీగ్‌తో క్లోజ్‌గా ఉండడం నచ్చలేదు : కార్తీక్

Submitted by arun on Fri, 12/22/2017 - 11:03

ఇక సంధ్య చావుకు కారణమైన కార్తీక్‌‌పై పోలీసులు 307, 354 D సెక్షన్ల కింద కేసు పెట్టారు. అలాగే ఎస్సీ, ఎస్టీ ఎట్రాసిటీ కేసు కూడా నమోదు చేశారు. పోలీసుల విచారణలో కార్తీక్ పలు విషయాలు చెప్పాడు. తనది వన్ సైడ్ లవ్వేనని ఒప్పుకున్నాడు. మూడేళ్ళుగా సంధ్యతో పరిచయం ఉందన్న కార్తీక్..ఆమెను ప్రాణప్రదంగా ప్రేమించానని తెలిపాడు. అయితే తన ప్రేమను సంధ్య అంగీకరించలేదని వివరించాడు. ఇటీవల సంధ్యారాణికి ఫోన్ చేస్తే సంధ్య కొలీగ్ మాట్లాడాడనీ..ఆమె జోలికి రావొద్దని బెదిరించాడని పోలీసులకు చెప్పాడు. సంధ్య తన కొలీగ్‌తో క్లోజ్ ఉండడం సహించలేకపోయాననీ పైగా తనను దూరం పెట్టడంతో పెట్రోల్ పోసి నిప్పంటించానని అంగీకరించాడు.