karimnagar

కరీంనగర్‌ నడిబొడ్డున ఎలుగుబంటి హల్‌చల్‌

Submitted by arun on Thu, 09/20/2018 - 11:32

కరీంనగర్‌ నడిబొడ్డున ఎలుగుబంటి హల్‌చల్‌ చేసింది. ఈ తెల్లవారు జామున 3 గంటలకు సమీపంలోని అటవీ నుంచి వచ్చిన ఎలుగుబంటి రోడ్లపై రౌండ్లు కొట్టింది. తర్వాత టవర్‌ సర్కిల్‌ లోని బీఎస్‌ఎన్‌ ఎల్‌ టవర్‌ వెనుక ఉన్న చిన్న ఆఫీస్‌లోకి వెళ్లి దాక్కుంది. దీంతో విషయం తెలుసుకుని రంగంలోకి దిగిన అటవీ అధికారులు దాన్ని పట్టుకునేందుకు ప్రయత్నిస్తున్నారు. మరోవైపు ఎలుగుబంటిని పట్టుకునేందుకు నాలుగు గంటలుగా ప్రయత్నాలు చేస్తున్నారు. మత్తు ఇంజక్షన్‌ ఇచ్చేందుకు వరంగల్‌ నుంచి ప్రత్యేక రెస్క్యూ టీం కరీంనగర్‌కు రప్పిస్తున్నారు. ఎలుగుబంటి బయటకు రాకుండా చర్యలు తీసుకున్నారు.

కరీంనగర్‌ కేసీఆర్‌కు కలిసొచ్చే జిల్లా

Submitted by arun on Thu, 09/06/2018 - 11:26

అవునన్నా... కాదన్నా.. ముఖ్యమంత్రి కేసీఆర్‌ సెంటిమెంట్‌ను బాగా ఫాలో అవుతారు. ప్రతీ మంచి పనికి ముహుర్తం, ప్రతీ శుభకార్యానికి తారబలం చూసుకుంటారు. ఎవరేమనుకున్నా దాన్నే నమ్ముతారు. అలాగే నడుస్తారు. ఇప్పుడు హుస్నాబాద్‌ సభకు కూడా సెంటిమెంటే కీలకమైంది. 

సెంటిమెంట్ ఫాలో అవుతారు...ముహుర్తాన్ని చూసుకుంటారు...ముందస్తు ఎన్నికలకు కూడా ముఖ్యమంత్రి కేసీఆర్ ఇదే సెంటిమెంట్‌ను ఫాలో అవుతున్నారు. తెలంగాణ ఉద్యమ సమయం నుంచి 2014లో ప్రత్యేక రాష్ట్రం ఏర్పడి ఎన్నికయ్యే దాకా ఇదే సెంటిమెంట్ను నమ్ముకున్నారాయన. అందులో భాగంగానే హుస్నాబాద్‌లో ప్రజాశీర్వాద సభ అంటూ ఇప్పుడూ అదే బాటలో నడుస్తున్నారు కేసీఆర్‌.

నిజామాబాద్ మీదుగా కాచిగూడ - కరీంనగర్ ప్యాసింజర్ రైలు ప్రారంభం

Submitted by arun on Fri, 06/15/2018 - 17:11

తెలంగాణలో రూ.258 కోట్ల ఖర్చుతో రైల్వే అభివృద్ధి పనులు జరుగుతున్నాయని కేంద్ర మంత్రి పియూష్‌ గోయల్‌ చెప్పారు. 45 వేల కోట్లతో రాష్ట్రంలో సోలార్ ప్రాజెక్టులు ఏర్పాటు చేస్తున్నామని వెల్లడించారు. సికింద్రాబాద్  రైల్వే స్టేషన్‌లో పలు అభివృద్ధి పనులను పియూష్‌ గోయల్‌ ప్రారంభించారు. కరీంనగర్‌ వరకు పొడిగించిన కాచిగూడ-నిజామాబాద్‌ ప్యాసింజర్ రైలును వారు జెండా ఊపి రిమోట్‌ ద్వారా ప్రారంభించారు. సికింద్రాబాద్‌ రైల్వే స్టేషన్‌ లో నాల్గవ పాదచారుల వంతెన నిర్మాణానికి పియూష్‌ గోయల్ శంకుస్థాపన చేశారు. అన్ని రైల్వే స్టేషన్లు, పరిపాలన భవనాల్లో ఏర్పాటు చేసిన ఎల్‌ఈడీ లైట్లను ప్రారంభించారు.

కరీంనగర్‌లో ప్రేమోన్మాది ఘాతుకం

Submitted by arun on Fri, 06/15/2018 - 12:24

కరీంనగర్‌ జిల్లాలో శుక్రవారం దారుణ ఘటన చోటు చేసుకుంది. కలెక్టర్‌ కార్యాలయానికి ముందే ఓ యువతిని ప్రేమోన్మాది గొంతుకోసి హత్య చేశాడు. రక్తపు మడుగులో పడిఉన్న యువతిని స్థానికులు ఆస్పత్రికి తరలిస్తుండగా మధ్యలోనే ఆమె ప్రాణాలు కోల్పోయింది. కాటారం మండలం శంకరంపల్లి గ్రామానికి చెందిన వంశీధర్, గోదావరిఖనికి చెందిన రసజ్ఞ మధ్య గత మూడు సంవత్సరాలుగా ప్రేమ వ్యవహారం ఉందని తెలుస్తోంది. నిత్యం వంశీధర్ వేధింపులకు గురిచేయడంతో కొద్దిరోజులుగా రసజ్ఞ అతడికి దూరంగా ఉంటోంది. ఈ నేపథ్యంలో మూడు నెలల క్రితమే జిల్లా కలెక్టరేట్ ఎదుట ఉన్న మీసేవా కేంద్రంలో రసజ్ఞ ఉద్యోగంలో చేరింది.

తండ్రి కొడుకుల దారుణ హత్య

Submitted by arun on Tue, 06/12/2018 - 12:31

రాజన్న సిరిసిల్ల జిల్లాలో దారుణం జరిగింది. ఇల్లంతకుంట మండలం కందికట్కూర్ గ్రామ పరిధిలోని కృష్ణారావుపల్లెలో భూవివాదం కారణంగా తండ్రీ,కొడుకులను ప్రత్యర్థులు నరికి చంపారు. గ్రామానికి చెందిన సవనపల్లి యెల్లయ్య అన్న 15ఏళ్ల క్రితం తన వ్యవసాయ భూమిని దేవయ్య, స్వామిలకు విక్రయించాడు. యెల్లయ్య అన్న మరణించిన తర్వాత నుంచి యెల్లయ్య  ఆ భూమి తనదేనంటూ దేవయ్య, స్వామిలతో గొడవ పడుతుండేవాడు.

Tags

మంత్రులను వెంటాడిన తేనెటీగలు

Submitted by arun on Thu, 06/07/2018 - 15:15

జగన్ ప్రజా సంకల్పయాత్రలో అపశృతి చోటు చేసుకుంది. కానూరు క్రాస్ రోడ్డు దగ్గర  పాదయాత్రగా వెళుతుండగా తేనేటీగలు దాడి చేశాయి. దీంతో వెంటనే అప్రమత్తమైన భద్రతా సిబ్బంది ...టవాళ్లు అడ్డం పెట్టి యాత్ర కొనసాగించారు. తేనేటీగల దాడిలో పది మందికి గాయాలయ్యాయి.

గతంలో తెలంగాణలోనూ తేనెటీగల దాడికి మంత్రులు కేటీఆర్, ఈటల రాజేందర్ కూడా పరుగులు పెట్టారు. కరీంనగర్‌లో జిల్లాలో కురిసిన వడగండ్ల వానకు నాశనమైన పంట నష్టాన్ని పరిశీలించేందుకు కేటీఆర్, ఈటల స్థానిక నేతలతో పంట పొలాలకు వెళ్లారు. అక్కడ ఒక్కసారిగా దాడి చేసిన తేనెటీగలు అందరినీ పరుగులు తీయించాయి. 

కరీంనగర్‌ జిల్లాలో ఘోర రోడ్డుప్రమాదం

Submitted by arun on Tue, 05/29/2018 - 10:33

కరీంనగర్ జిల్లాలో రాజీవ్ రహదారి నెత్తురోడింది.  మానకొండూరు మండలం చెంజర్ల  దగ్గర  ఘోర రోడ్డు ప్రమాదం జరిగింది. హుజూరాబాద్ డిపోకు చెందిన బస్సు  వరంగల్ నుంచి కరీంనగర్ వస్తుండగా  లారీ- బస్సు ఢీ కొన్నాయి. ఈ ఘటనలో బస్సులోని ఆరుగురు ప్రయాణీకులతో పాటు లారీ డ్రైవర్‌ మృతి చెందగా 15 మంది  గాయపడ్డారు. బస్సును ఓవర్ టేక్ చేయబోయిన లారీ అదుపుతప్పి  బస్సును ఢీ కొట్టడంతో  ఈ ఘటన జరిగింది. ఈ ప్రమాదంలో బస్సు కుడి భాగం పూర్తిగా నుజ్జునుజ్జయ్యింది. బస్సులో  చిక్కుకున్న ప్రయాణీకులను చుట్టుపక్కల వారు బయటకు తీసి ఆసుపత్రికి తరలించారు.

తండ్రిపై పోలీసుల‌కు ఫిర్యాదు చేసిన కొడుకు

Submitted by arun on Sat, 02/24/2018 - 14:48

మద్యం మత్తులో విచక్షణారహితంగా తనను కొడుతున్నాడంటూ ఓ కుమారుడు తన తండ్రిపై పోలీసు స్టేషన్‌లో ఫిర్యాదు చేసిన ఘటన కరీంనగర్‌ జిల్లా జమ్మికుంటలో చోటుచేసుకుంది. వివరాలు ఇలా ఉన్నాయి..  జమ్మికుంట నగర పంచాయతీ పరిధిలోని మోత్కులగూడెంకు చెందిన మొలుగూరు శ్రీనివాస్‌ తాగుడుకు బానిసగా మారాడు. మేస్త్రీ పని చేస్తూ చేతికి వచ్చిన డబ్బులతో తాగుడుకు ఖర్చు చేస్తున్నాడు. ఇంటికి వచ్చిన తర్వాత భార్య, కుమారుడిపై తన ప్రతాపం చూపిస్తున్నాడు. ఈ క్రమంలో గురువారం సాయంత్రం శ్రీనివాస్‌ భార్య రమ్య, పట్టణంలోని ఓ రెస్టారెంట్‌లో కూలి పని చేసేందుకు వెళ్లింది.

మా ప్రేమ‌ను బ్ర‌తికించండి

Submitted by arun on Wed, 01/24/2018 - 12:35

ఔను.. వాళ్లిద్దరూ ఇష్టపడ్డారు. కలిసి కాపురం చేయాలనుకున్నారు. ఇంట్లో వారిని ఒప్పించి ఒకటవ్వాలనుకొని తమ ప్రేమ వ్యవహారాన్ని పెద్దలకు చెప్పారు. అమ్మాయి తల్లిదండ్రులు ససేమిరా అనడంతో గుట్టుగా గుళ్లో పెళ్లి చేసుకున్నారు. దీన్ని పరువు తక్కువగా భావించిన పిల్ల తరఫువాళ్లు తాము మారినట్టు మాయమాటలు చెప్పి రప్పించారు. అబ్బాయిని నడిరోడ్డు మీద చితకబాది అమ్మాయిని దాచేశారు. చావుదెబ్బలు తిన్న ఆ యువకుడు ఆస్పత్రిలో చికిత్స పొందుతూ తన భార్యను తన దగ్గరకు చేర్చాలని వేడుకుంటున్నాడు.

ఎంపీటీసీ ఉప ఎన్నికల్లో టీఆర్ఎస్ కు షాక్

Submitted by arun on Sat, 01/13/2018 - 11:12

అధికార పార్టీ కారు స్పీడ్ కు బ్రేక్ పడింది. ఉద్యమానికి ఊపిరిపోసిన జిల్లాలో కారు బోల్తా పడింది. కరీంనగర్ జిల్లాలో జరిగిన రెండు ఎంపీటీసీ ఉప ఎన్నికల్లో టీఆర్ఎస్ ఓడిపోయింది. గంగాధర ఎంపీటీసీ స్థానాన్ని బీజేపీ గెలుచుకోగా, అసన్ పల్లిలో ఎంపీటీసీ స్థానంలో కాంగ్రెస్ జయ కేతనం ఎగురవేసింది. ఈ రెండు చోట్ల బీజేపీ, కాంగ్రెస్ భారీ మెజార్టీతో  గెలిచాయి. అధికార టీఆర్ఎస్ కు షాక్ ఇచ్చాయి.