Tdp leaders

ప్రకాశం జిల్లా టీడీపీ నేతలపై చంద్రబాబు సీరియస్

Submitted by arun on Sat, 11/03/2018 - 10:24

రెండ్రోజుల ప్రకాశం జిల్లా పర్యటనలో ఉన్న చంద్రబాబు పార్టీలో సమస్యలపై దృష్టి పెట్టారు. టీడీపీలో సమస్యాత్మకంగా మారిన యర్రగొండపాలెం, సంతనూతలపాడు నియోజకవర్గాలపై ఒంగోలులో రాత్రంతా సమీక్ష చేశారు. ఈ సమావేశం అర్థరాత్రి 2 గంటల వరకు సాగింది. అయితే యర్రగొండపాలెం నియోజకవర్గ సమక్షలో చంద్రబాబు స్థానిక నేతలపై తీవ్ర ఆగ్రహం వ్యక్తం చేశారు. రాత్రి గంటకు పైగా సాగిన సమీక్షలో యర్రగొండపాలెం నేతలు తీరు మార్చుకోవాలని చంద్రబాబు హెచ్చరికలు చేశారు. యర్రగొండపాలెం ఎమ్మెల్యే డేవిడ్ రాజుపై సీరియస్ అయిన చంద్రబాబు పద్ధతి మార్చోకోవాలని ఆయనకు వార్నింగ్ ఇచ్చారు.

నీటికోసం రోడ్డెక్కిన టీడీపీ నేతలు

Submitted by arun on Mon, 10/15/2018 - 15:05

అనంతపురం జిల్లాలో టీడీపీ నేతల మధ్య వాటర్ వార్‌ రోజురోజుకు పెరుగుతోంది. సాగునీటి కోసం రోజుకో నేత రోడ్డెక్కుతున్నారు. తాజాగా తమ నియోజకవర్గానికి సాగు నీరు విడుదల చేయాలంటూ పుట్టపర్తి రైతులు కలెక్టరేట్‌లో ఆందోళనకు దిగారు. వీరికి మద్ధతుగా స్ధానిక టీడీపీ నేతలు నిరసనకు  దిగారు. వీరి ఆందోళనకు స్ధానిక శాసనసభ్యుడు, ప్రభుత్వ విప్ పల్లె రఘునాధరెడ్డి మద్ధతు పలికారు. హంద్రీ, నీవా కాలువ ద్వారా నీటిని ఒక నియోజకవర్గానికే పరిమితం చేస్తే ఎలా అంటూ రైతులు ప్రశ్నించారు. తమ నియోజకవర్గానికి నీరు వదిలే వరకు ఆందోళన విరమించేది లేదంటూ తేల్చి చెప్పారు. 
 

రూట్‌ మార్చిన టీడీపీ అధినేత చంద్రబాబు...8 నెలల ముందుగానే అభ్యర్ధుల ప్రకటన

Submitted by arun on Sat, 09/22/2018 - 10:00

టీడీపీ అధినేత చంద్రబాబు స్టైల్‌ మార్చారు. ఇప్పటివరకూ ఎన్నికల సమయంలో మాత్రమే అభ్యర్ధులను ప్రకటిస్తూ వచ్చిన చంద్రబాబు ఈసారి 8నెలల ముందుగానే బలమైన అభ్యర్ధులను ఇన్‌ఛార్జు‌లుగా నియమిస్తున్నారు. టీడీపీ సంప్రదాయాన్ని పక్కనబెట్టి వైసీపీ బలంగా ఉన్న నియోజకవర్గాల్లో ముందే అభ్యర్ధులను ప్రకటించే పనిలో పడ్డారు. టీడీపీ ఎమ్మెల్యేలను ఎప్పటికప్పుడు అప్రమత్తం చేస్తూ పనితీరు మార్చుకోవాలంటూ హెచ్చరిస్తున్నారు. 

ఏపీలో టీడీపీ గ్రాఫ్ పడిపోయింది...

Submitted by arun on Tue, 09/04/2018 - 12:22

ఆంధ్రప్రదేశ్‌లో అధికార తెలుగుదేశం పార్టీ గ్రాఫ్ పడిపోయిందన్నారు బీజేపీ ఎమ్మెల్యే విష్ణు కుమార్ రాజు. విశాఖలో మీడియాలో మాట్లాడిన ఆయన ఏపీ గూండాల రాష్ట్రంగా మారిందని విమర్శించారు. ఏపీలో టీడీపీ గ్రాఫ్‌ పడిపోయిందని సీఎం చుట్టూ ఉన్న మంత్రుల వల్లే టీడీపీ గ్రాఫ్‌ పడిపోయిందని వ్యాఖ్యానించారు. రైల్వేజోన్‌ వస్తుందని తెలిసి కూడా మంత్రి గంటా అనవసరంగా నిరసనలు చేస్తున్నారని విష్ణుకుమార్‌రాజు తీవ్రస్థాయిలో మండిపడ్డారు. టీడీపీ నేతలు అధికార దుర్వినియోగానికి పాల్పడుతున్నారని ఎమ్మెల్యే విష్ణుకుమార్‌రాజు ఆరోపించారు. 

మంత్రులు అధికారులు ఏం చేస్తున్నారు? : పవన్‌

Submitted by arun on Mon, 08/06/2018 - 16:22

కర్నూలు జిల్లా హత్తిబెళగల్‌ క్వారీ ప్రమాద స్థలాన్ని జనసేన అధినేత పవన్ కల్యాణ్ సందర్శించారు. పేలుళ్ల ఘటనపై స్థానికులను అడిగి వివరాలు తెలుసుకున్నారు. అయితే, ఘటనస్థలిని పూర్తిగా పరిశీలించేందుకు పవన్‌కు పోలీసులు అనుమతి నిరాకరించారు. దీంతో జనసేన కార్యకర్తలు దూసుకెళ్లారు. 

అక్రమ మైనింగ్ కు అడ్డుకట్ట వేసినప్పుడే హత్తిబెళగల్ క్వారీ పేలుడు వంటి ఘటనలు పునరావృతం కాకుండా ఉంటాయన్నారు జనసేన అధినేత పవన్ కల్యాణ్. కర్నూలు జిల్లాలోని హత్తిబెళగల్ లోని క్వారీలో పేలుడు ప్రదేశాన్ని పవన్ కల్యాణ్ పరిశీలించారు. అ తర్వాత ఆసుపత్రిలో చికిత్స పొందుతున్న బాధితులను పరామర్శించారు.వివరాలు అడిగి తెలుసుకున్నారు. 

టీడీపీ ఎమ్మెల్యేలకు వార్నింగ్.. పిచ్చిపిచ్చి వేషాలొద్దు: పవన్

Submitted by arun on Thu, 07/05/2018 - 16:18

టీడీపీ నేతలపై జనసేన అధినేత పవన్ కల్యాణ్ మరోసారి తీవ్ర వ్యాఖ్యలు చేశారు. పిచ్చిపిచ్చి వేషాలు వేయవద్దని టీడీపీ నేతలను హెచ్చరించారు. టీడీపీ ఎమ్మెల్యేలంటే ఏమైనా పైనుంచి దిగొచ్చారా? వాళ్లకు మేమేమైనా బానిసలమా? అని ప్రశ్నించారు. ప్రజాసేవ కోసం వచ్చినవారు, రాజ్యాంగ పరిధికి లోబడి ఉండాలని అన్నారు. ఎమ్మెల్యే, ఎమ్మెల్యే కొడుకు, ఎమ్మెల్యే అల్లుడు ఎవరైనా సరే పరిధికి లోబడే ఉండాలని చెప్పారు. ఇష్టం వచ్చినట్టు దోపిడీ చేస్తామంటే చేతులు కట్టుకుని కూర్చోబోమని హెచ్చరించారు. అన్నీ వదులుకుని రాజకీయాల్లోకి వచ్చానని పోతే ప్రాణాలే పోతాయని ధైర్యంగా అడుగువేశానని పవన్ చెప్పారు.

లిఫ్ట్‌లో ఇరుక్కున్న టీడీపీ నేతలు.. పావుగంట ఉత్కంఠ

Submitted by arun on Sat, 06/23/2018 - 10:58

విజయవాడ సివిల్ సప్లయి కార్యాలయంలోని  లిఫ్ట్‌లో టీడీపీ నేతలు ఇరుక్కున్నారు.  రాష్ట్ర పౌరసరఫరాల కార్పొరేషన్ చైర్మన్‌గా చల్లా రామకృష్ణారెడ్డి  ప్రమాణ స్వీకారోత్సవానికి  శ్రీశైలం ఎమ్మెల్యే బుడ్డా రాజశేఖరరెడ్డితో పాటు ఆదోని మాజీ ఎమ్మెల్యే మీనాక్షి నాయుడు, ఇతర నేతలు హజరయ్యారు. ఈ సందర్భంగా లిఫ్టులో వెళుతుండగా ఒక్కసారిగా మధ్యలోనే ఆగిపోయింది. పైకి తెచ్చేందుకు ప్రయత్నించినా సాధ్యం కాకపోవడంతో  రాడ్లతో లిఫ్ట్ తలుపులు బద్ధలు కొట్టి 15 నిమిషాల అనంతరం బయటకు తీశారు. ఎవరికీ ఏమి కాకపోవడంతో అంతా ఊపిరి పీల్చుకున్నారు. 
 

కడప జిల్లా నాయకులకు క్లాస్ పీకిన చంద్రబాబు

Submitted by arun on Tue, 06/12/2018 - 11:52

ఎంపీ సీఎం రమేష్-వరదరాజులు రెడ్డి వివాదంపై కడప జిల్లా టీడీపీ నాయకులకు చంద్రబాబు క్లాస్ పీకారు. కలిసి పనిచేసుకోకుండా కలహాలేంటని ఆగ్రహం వ్యక్తం చేశారు. నేతల మధ్య ఈ తరహా విభేదాలు కరెక్ట్ కాదన్న బాబు... రాజకీయాల్లో ఇష్టారాజ్యంగా ప్రవర్తిస్తే.. బీజేపీకి పట్టిన దుర్గతే పడుతుందని సూచించారు.

కడప జిల్లా టీడీపీ నేతల మధ్య విభేదాలు...పార్టీ పరువును బజారుకీడ్చుతున్న నేతలు

Submitted by arun on Mon, 06/11/2018 - 12:29

కడప జిల్లాలో టీడీపీ నేతల మధ్య విభేదాలు తారస్థాయికి చేరాయ్. ఏ నియోజకవర్గంలో చూసినా నేతల మధ్య పొసగడం లేదు. వ్యక్తిగత దూషణలకు దిగి...పార్టీ పరువును బజారుకీడ్చుతున్నారు. నేతల మధ్య సమన్వయం లోపించడంతో...పార్టీ పరిస్థితి మరింత దిగజారుతోంది. జిల్లాపై పట్టు సాధించాలని చంద్రబాబు ప్లాన్‌ వేస్తుంటే...నేతలు మాత్రం గొడవలతో బజారున పడుతున్నారు. 

టీడీపీకి మరో కీలక నేత రాజీనామా..!

Submitted by arun on Sat, 05/26/2018 - 11:02

జగిత్యాల జిల్లా తెలుగుదేశం పార్టీకి మరో షాక్‌ తగిలింది. జగిత్యాల అసెంబ్లీ నియోజకవర్గ టీడీపీ ఇన్‌చార్జి బోగ వెంకటేశ్వర్లు ఐటీ, పరిశ్రమల శాఖ మంత్రి కేటీఆర్, నిజామాబాద్‌ ఎంపీ కవిత సమక్షంలో శుక్రవారం టీఆర్‌ఎస్‌ పార్టీలో చేరారు. టీటీడీపీ అధ్యక్షుడు ఎల్‌.రమణ ముఖ్య అనుచరుడైన వెంకటేశ్వర్లుకు మంత్రి కేటీఆర్‌ శాలువా కప్పి పార్టీలోకి ఆహ్వానించారు. వెంకటేశ్వర్లుతో పాటు వడ్డెర సంఘం నేత మొగిలి, పద్మశాలి సంఘం నేతలు బూస గంగారాం, మానపూర్‌ శ్రీహరి, పూసల సంఘం నేతలు సురేందర్, చకిలం కిషన్, బోగ ప్రవీణ్‌ తదితరులు టీఆర్‌ఎస్‌లో చేరారు.