17 ఏళ్ల త‌రువాత‌..

రాశి కంటే వాసికే ప్రాధాన్య‌మిచ్చే త‌మిళ‌ క‌థానాయ‌కుడు సూర్య‌. అందుకే.. 20 ఏళ్ల త‌న సినీ ప్ర‌యాణంలో 40 చిత్రాలే చేశాడు. వీటిలో దాదాపు ప‌ది సినిమాల్లో అతిథి పాత్ర‌ల్లో మెరిసాడు. ప్ర‌స్తుతం 'తాన సేరండ్ర కూట్ట‌మ్' అనే త‌మిళ సినిమాలో చేస్తున్నాడు సూర్య‌. విఘ్నేష్ శివ‌న్ ద‌ర్శ‌క‌త్వంలో తెర‌కెక్కుతున్న ఈ సినిమాలో కీర్తి సురేష్ హీరోయిన్‌గా న‌టిస్తోంది. అనిరుద్ సంగీత‌మందిస్తున్న ఈ చిత్రాన్ని మొద‌ట అక్టోబ‌ర్‌లో విడుద‌ల చేయాల‌నుకున్నారు. అయితే అదే నెల‌లో సూర్య త‌మ్ముడు కార్తీ న‌టిస్తున్న ద్విభాషా చిత్రం 'ఖాకీ' (త‌మిళంలో 'తీర‌న్ అధికారం ఒండ్రు')ని విడుద‌ల చేయ‌నున్నారు.

దీంతో.. ఈ సినిమాని సంక్రాంతి కానుక‌గా విడుద‌ల చేయాల‌ని స‌న్నాహాలు చేస్తున్నారు. 2001లో విజ‌య్‌తో క‌లిసి న‌టించిన 'ఫ్రెండ్స్' ('స్నేహ‌మంటే ఇదేరా' ఒరిజ‌న‌ల్ వెర్ష‌న్‌) త‌రువాత.. పొంగ‌ల్ టైమ్‌లో సూర్య హీరోగా వ‌స్తున్న సినిమా ఇదే కావ‌డం విశేషం. 17 ఏళ్ల త‌రువాత సంక్రాంతికి వ‌స్తున్న సూర్య‌కి ఆ సీజ‌న్‌లో మ‌రో హిట్ చిత్రం పడుతుందేమో చూడాలి.