అప్పుడు మ‌హాల‌క్ష్మీ.. ఇప్పుడు మేఘ‌న‌..

'కృష్ణ‌గాడి వీరప్రేమ‌గాథ' చూసిన వారెవ‌రైనా అందులో మ‌హాలక్ష్మీ పాత్ర‌లో న‌టించిన మెహ‌రీన్‌ని అంత ఈజీగా మరిచిపోలేరు. అంత‌గా త‌న అందంతో, అభిన‌యంతో క‌ట్టిప‌డేసిందీ పంజాబీ ముద్దుగుమ్మ‌. ఆ సినిమా విడుద‌లై ఒక‌టిన్న‌ర సంవ‌త్స‌రం పూర్త‌యినా ఆమె నుంచి మ‌రో సినిమా రాలేదు. అయితేనేం.. ఇప్పుడు ఈ చిన్న‌ది న‌టించిన నాలుగు సినిమాలు విడుద‌ల‌కు సిద్ధ‌మ‌య్యాయి. ఆ చిత్రాలే 'మ‌హానుభావుడు', 'రాజా ది గ్రేట్‌', 'c/o సూర్య‌', 'జ‌వాన్‌'. వీటిలో ముందుగా రాబోతున్న సినిమా 'మ‌హానుభావుడు'.

శ‌ర్వానంద్‌, మారుతి కాంబినేష‌న్‌లో వ‌స్తున్న ఈ చిత్రంలో కూడా అందం, అభిన‌యంకి స్కోప్ ఉన్న పాత్ర‌లో మెహ‌రీన్ క‌నిపించ‌నుంద‌ని స‌మాచారం. 'మ‌హానుభావుడు'లో మేఘ‌న అనే పాత్ర‌లో క‌నిపించ‌నున్న మెహ‌రీన్‌.. మ‌హాల‌క్ష్మీలాగే గుర్తుండిపోయే పాత్ర‌ ఇద‌ని చెప్పుకొస్తోంది. ఈ నెల 29న 'మ‌హానుభావుడు' రిలీజ్ కానుంది.