చెన్నైకి భారీ విజయం

ఐపీఎల్ లో భాగంగా బుధవారం జరిగిన మ్యాచ్‌లో చెన్నై సూపర్ కింగ్స్ భారీ స్కోర్ తేడాతో ఢిల్లీపై విజయం సాధించింది. ముందుగా చెన్నై సూపర్‌ కింగ్స్‌ 20 ఓవర్లలో 4 వికెట్లకు 179 పరుగులు చేసింది. చెన్నై ఆటగాళ్లు సురేష్ రైనా (37 బంతుల్లో 59; 8 ఫోర్లు, 1 సిక్స్‌), కెప్టెన్‌ ధోని (22 బంతుల్లో 44 నాటౌట్‌; 4 ఫోర్లు, 3 సిక్సర్లు) బాదేశారు. ఢిల్లీ బౌలర్ సుచిత్‌కు 2 వికెట్లు దక్కాయి. 180 పరుగుల లక్ష్యంతో బరిలోకి దిగిన ఢిల్లీ క్యాపిటల్స్‌ 16.2 ఓవర్లలో 99 పరుగులకే ఆలౌటైంది. దీంతో 80 పరుగుల తేడాతో ఢిల్లీ క్యాపిటల్స్‌పై గెలిచింది చెన్నై జట్టు. కెప్టెన్‌ శ్రేయస్‌ అయ్యర్‌ (31 బంతుల్లో 44; 4 ఫోర్లు, 1 సిక్స్‌) ఒంటరి పోరాటం చేసిన ఫలితం లేకపోయింది . ఇమ్రాన్‌ తాహిర్‌ (4/12) తన సత్తా చూపించాడు. మరో స్పిన్నర్‌ జడేజాకు మూడు వికెట్లు లభించాయి. ధోనికి 'మ్యాన్‌ ఆఫ్‌ ద మ్యాచ్‌' అవార్డు లభించింది.