ఆంధ్రప్రదేశ్‌కు మరో ఎలక్ట్రానిక్స్‌ దిగ్గజం

ఆంధ్రప్రదేశ్‌కు మరో ఎలక్ట్రానిక్స్‌ దిగ్గజం 'హోలీటెక్‌'పెట్టుబడులతో వచ్చింది. చిత్తూరు జిల్లాలో ఫ్యాక్టరీ ఏర్పాటుకు హోలీటెక్‌ సంస్థ AP ప్రభుత్వంతో ఒప్పందం చేసుకుంది. ఈ మేరకు నిన్న(సోమవారం) ప్రభుత్వం, కంపెనీ మధ్య ఒప్పంద పత్రాలు మార్చుకుంది. హోలీటెక్‌ సంస్థకు చైనాలో 16 ఫ్యాక్టరీలు(షియోమీ) ఉన్నాయి. భారతదేశంలో తొలి ప్లాంట్‌ ఏపీలో ఏర్పాటు చేస్తోంది. ఇందుకోసం సుమారు 1400 కోట్ల రూపాయలు పెట్టుబడులు పెట్టనున్నారు. 6 వేల మందికి ఉపాధి దొరుకుతుందని మంత్రి లోకేష్‌ చెప్పారు. ఎలక్ట్రానిక్ ఉపకరణాల వ్యాపారం 480 బిలియన్ డాలర్లు ఉందని.. అందులో సగం వాటాను దక్కించుకోవాలనే లక్ష్యంతో ముందుకెళ్తున్నట్టు మంత్రి లోకేష్‌ స్పష్టం చేశారు.