ఆ హీరోని ప్రేమిస్తున్నా.. పెళ్లి చేసుకుంటా: రష్మిక

టాలీవుడ్ యంగ్‌ హీరో నాగశౌర్య హీరోగా తెరకెక్కుతున్న చిత్రం 'ఛలో'. ఐరా క్రియేషన్స్‌ పతాకంపై శంకర్‌ ప్రసాద్‌ ముల్పూరి సమర్పణలో వెంకీ కుడుముల దర్శకత్వంలో ఉషా ముల్పూరి ఈ చిత్రాన్ని నిర్మిస్తున్నారు. ఫిబ్రవరి 2న ఈ చిత్రం ప్రేక్షకుల ముందుకు రానుంది. ఈ చిత్రం ద్వారా కన్నడ హీరోయిన్ రష్మిక తెలుగు తెరకు పరిచయం అవుతోంది. సినిమా ప్రమోషన్లో భాగంగా రష్మిక మంగళవారం మీడియాతో ముచ్చటించారు. ఈ సినిమా ప్రమోషన్స్‌లో భాగంగా రష్మిక సినిమా గురించే కాకుండా.. తన పర్సనల్ విషయాల గురించి కూడా మాట్లాడింది.

ఫస్ట్ తను కన్నడ సినిమా కిరిక్ పార్టీలో నటించానని.. తన తర్వాతి సిినిమా అంజనీపుత్ర అని రష్మిక తెలిపింది. ఈ సినిమాలు చూసిన వెంకీ కుడుముల తనకు ఛలో సినిమాలో నటించే అవకాశం కల్పించారని పేర్కొంది. అయితే ‘కిరిక్ పార్టీ’ హీరో అయిన రక్షిత్ శెట్టితో తాను ప్రేమలో ఉన్నానని.. ఆ సినిమా సమయంలో తమ ఇద్దరి మధ్య స్నేహం ఏర్పడిందని రష్మిక వెల్లడించింది. మనసులు కలిశాయి. పెద్దలతో మాట్లాడి, పెళ్లి చేసుకోవాలని నిర్ణయించుకున్నట్టు రష్మిక తెలిపింది.