ఆమ్రపాలి పెళ్లి కూతురాయెనే..

వరంగల్‌ అర్బన్‌ జిల్లా కలెక్టర్‌ ఆమ్రపాలి పెళ్లి కూతురయ్యారు. 2011 బ్యాచ్‌కు చెందిన ఐపీఎస్‌ అధికారి సమీర్‌శర్మతో ఇవాళ పెళ్లి జరగనుంది. ఈ సందర్భంగా కుటుంబ సభ్యులు ఆమ్రపాలిని సంప్రదాయ పద్ధతిలో పెళ్ళికూతురిని చేశారు. అందంగా ముస్తాబైన అమ్రపాలి.. పెళ్లికూతురు గెటప్ లో తన చెల్లెలితో కలిసి ఫొటోకు పోజిచ్చారు. ఈ నెల 23న వరంగల్‌లో, 25న హైదరాబాద్‌లో మిత్రులు, ప్రజాప్రతినిధులకు ఆమ్రపాలి విందు ఇవ్వనున్నారు.