Andhra Pradesh: కంగారు పెట్టిన వింత జంతువు.. ప్రమాదం లేదన్న అధికారులు

ఇదిలా ఉండగా గత నెలరోజుల సమయంలో పన్నెండు లేగదూడల్ని గుర్తు తెలియని జంతువులూ చంపి తినేసినట్టు రైతులు అధికారులకు ఫిర్యాదు చేశారు. దీనిపై పరిశీలన జరిపిన అధికారులు లేగదూడల్ని చంపి తిన్న జంతువు నక్క (గోల్డెన్ జాకాల్) గా గుర్తించినట్టు చెప్పారు. ఈ నక్కలు ఖమ్మం అటవీ ప్రాంతం నుంచి ఇటువైపుగా వచ్చాయని.. అవి లేగదూడల్ని చంపి తింటున్నాయనీ వారు స్పష్టం చేశారు. గతంలో కపిలేశ్వర పురంలో రైతులు ఒక నక్కను పట్టి చంపేశారని అధికారులు చెప్పారు. ఇప్పుడు కనిపించిన జంతువు నీటి కుక్క అనీ.. అది మనుషులకు.. దూడలకూ ఏమాత్రం హాని చేయదనే వారు చెప్పారు. అదీకాకుండా ఈ నీటి కుక్క మనుషుల్ని చూస్తే పారిపోతుందని తెలిపారు. ఎప్పుడూ దీనిని చూసిఉండకపోవడంతో దానిని చూసి వింత జీవిగా పొరబాటు పడ్డారని అధికారులు వివరించారు.